呢對藝人去旅行不忘放閃　仲大方晒女友泳衣照

好多藝人拍拖都好低調，不過呢對藝人就好少理，一齊去旅行之餘，仲高調放閃，男方仲好大方晒女友泳衣照！陸浩明（6號／阿陸）早前就同女友陳詩欣（Ayan）一齊到越南峴港旅行，Ayan更著上泳衣，大騷標準模特兒身形，而6號就緊係化身攝影師為女友操刀影泳衣相。張張泳衣相都出自男友視角，真係令唔少男網友都話好羨慕！
Cap嚟見我
陸浩明被肥媽催婚陸浩明有靚靚模特兒女朋友陳詩欣（Ayan），二人即使已拍拖多年，感情依然一日千里，就連當正自己仔一樣咁對待嘅肥媽，都不時為Ayan催婚，間唔時就問阿陸幾時結婚，真係等到連肥媽心都急埋。
陸浩明女友狂曬泳衣相6號同女友亦不時在個人社交網po相放閃，最近，Ayan就上載自己嘅泳衣照，大騷標準模特兒身形。
皮膚白滑嘅Ayan仲大騷長腿，但放咁多性感泳衣相上網，唔知男友6號又有冇意見呢？
陸浩明親自為女友操刀影相睇番啲相，原來係之前佢同男友阿陸去越南峴港旅行時影落嘅，而6號就緊係要化身女友嘅私家攝影師，不停為Ayan係咁影靚相啦！
全部相都出自男友角度，無論係曬纖腰定長腿，都一樣咁索，性感得來又帶點健康，睇嚟阿陸嘅都幾有潛質做攝影師。
呢張相就最令唔少男網友葡萄，相信唔少人都想拖下Ayan隻手。可惜，這些機會…已經俾6號私有化咗。
6號除咗大讚女友身材好之外，仲話一直很想為Ayan影泳衣照：「想由自己嘅鏡頭之下影女友，帶出佢嘅氣質，但喺香港好難，因為沙灘好多人，又會畀人認得，私人泳池就唔畀影相，今次難得同佢夾到時間去旅行，所以就影咗呢輯相。」
6號仲sweet到話：「去邊度都冇所謂，最緊要兩個人開心」
據知，當時佢哋二人去旅行時正值當地雨季，有時會落雨，所以要趁停雨或放晴時馬上把握機會影下女友最美一面。
經常孖住去旅行學阿陸話齋，兩個人只要開心，去邊有咩所謂，而佢同Ayan就不時去旅行，都不忘放下閃光彈！
Cap by：東方新地


[圖擷取自網路，如有疑問請私訊]