一場喊戲KO視后胡定欣　《深宮計》最好戲原來係佢？！

《宮心計2深宮計》前幾日首播，演員陣容鼎盛。不過再勁嘅班底都不及呢2位童星犀利。飾演童年版元玥嘅黃雪兒 (Nicole)，以及飾演童年版元瑈嘅陳偲穎 (Bianca) ，第一集要數佢地2個最搶鏡。
Cap嚟見我

劇情講述佢地2個分別係，劉心悠 (元玥) 同埋周秀娜 (元瑈) 所飾演角色嘅童年版。故事交代點解呢2姊妹會分離。Nicole同Bianca嘅表現令大家留下深刻印象。

套劇講到Bianca所飾演嘅家姊元瑈為代替Nicole所飾演嘅妹妹元玥，而食咗妹妹嘅肉包。


原本唔知道發生乜事嘅係門前聽到家姊要走，就攔住家姊喊得好淒涼。

佢仲要問家姊去幾耐，1年？2年夠唔夠？呢下嘅真情流露，完全演活咗得幾歲嘅小朋友，好天真咁問幾時會再見到家姊。

網友大讚佢地2個好有感染力，好入戲。

Nicole嘅表現好真實。

最可愛嘅位係妹妹未知家姊會被人送走，同太陽伯伯訴苦，話自己要幾多日唔理家姊嘅位。

佢一句：

原來好人係肚餓嘅時候都會變成壞人。

令人感受到佢嘅天真可愛。就係佢地完美演繹呢場離別戲，令大家留下深刻印象。

不過其實佢地都唔係第一次拍劇，Nicole曾經係《幕後玩家》中飾演黃宗澤同龔嘉欣嘅女兒，而Bianca就係《愛‧回家之開心速遞》飾演過童年版熊尚善 (滕麗明角色)。



肥仔黎都好期待之後佢地嘅表現！
 
 


[圖擷取自網路，如有疑問請私訊]