強國女學生住日本民宿　5日就將間房搞成咁 | 真心膠 | 膠Hub

:0:0

去旅行一係住民宿，一係住酒店，不過住還住都唔駛搞到咁亂咁污糟㗎！最近有強國女學生去日本住民宿，不過就將人哋民宿搞到成個垃圾房咁，真係搞唔掂。閱讀全文
大家都知日本對垃圾分類好嚴格，民宿老闆每次都會提醒旅客需要自行分類垃圾。有3個19歲嘅內地女學生，去咗日本大阪民宿住咗5日，就將間房變咗做垃圾房，真係好恐怖！

呢3個女大生將所有垃圾堆喺房間角落，搞到成個走廊、廚房、馬桶旁邊，都堆滿用過嘅紙巾同M巾，真係好污糟好嘔心，馬桶上面仲冇啦啦放咗張櫈，真係好奇怪。

呢班女大生退房前仲喺民宿嘅筆記簿上留言，寫上「差」、「噁心」嘅字眼，仲喺簿上畫「大便」。搞到人哋啲地方咁污糟，仲要咁唔尊重，真係好唔得囉！

呢單嘢瘋傳之後，好多網民都批評呢班女大生，其中一個女大生已經回應事件同道歉。不過老闆就覺得女大生嘅道歉亳無誠意：「我實在沒辦法接受撒謊和潑髒水式的道歉。」

膠通消息來源：巴士的報
去旅行緊係想玩得開心，住得舒舒服服㗎啦，如果book着間咁嘅酒店，我諗唔會有人想住囉！
中伏酒店俾間咁嘅房俾客人台灣有女子同屋企人book咗阿里山一間山莊酒店，入住時見到間房又污糟又臭，真係差啲嚇親。搞到佢嬲嬲豬怒斥：「酒店還敢做生意」，仲話絕對唔會再去呢間酒店。

相中見到間房嘅牆壁因漏水而發霉發黑，木製地板亦因潮濕而腐爛發黑，就連浴室都有啲咁嘅情況。女事主表示當日曾向山莊要求更換，卻遭拒絕。

女事主當晚住宿費係1200元新台幣（約313港元），仲話：「酒店還敢做生意，下次就算酒店送錢，我也不會入住。」唔少網民紛紛留言：「酒店房根本廢墟」、「說火災現場我都信了」。

出得去食嘢就預咗唔乾淨得去邊㗎啦！不過如果樣嘢食入面有人食過嘅嘢，咁就真係好唔得囉！有網民最近去咗酒店食晚餐，嗌咗個蒜蓉焗龍蝦，點知食食下竟然見到入面有香口膠，真係好嘔心。

仲女士同屋企人喺鴻德國際酒店食晚餐，嗌咗份蒜蓉焗龍蝦，佢哋食食下發現有嘢咬極都咬唔到，吐出嚟見到入面竟然有香口膠。

仲女士即刻問酒店負責人，點解會有呢啲咁嘅情況，餐廳嘅負責人就話：「也許香口膠是龍蝦自己吃進去的」。心諗呢個咩答覆。

仲女士嬲到即刻打電話投訴，話要將龍蝦取樣拎去衛生署做檢查，但對方唔同意，仲女士無奈只有報警。不過始終都係食落肚嘅，俾着肥仔黎我食到香口膠，我真係吊咗出聲。

俾咁多錢去酒店食嘢緊係想舒舒服服食正嘢，點諗到去到食嘢竟然冇冷氣，要喺一個成30℃嘅環境食自助餐，想熱死人咩？最近有家長嬲爆話個女去酒店參加謝師宴，去到竟然得風扇，啲嘢食又熱到變壞晒，真係貼錢買難受。

有家長喺討論區出post，話個女俾咗700蚊去五星級酒店參加學校謝師宴，點知去到酒店竟然冇冷氣，得幾把「大風扇」，啲嘢食仲要熱到變壞晒。樓主嬲到post咗幾張當時「大風扇」嘅相，仲用手機測試酒店當時嘅溫度，有成 30℃，癡線！咁熱叫人點食啊？

有疑似係酒店職員發攻，話酒店當日因水力供應故障，搞到朝早10 點就開始冇冷氣，淨係得返流動空調，而當日下午時段嘅自助餐booking就取消晒。

唔少網民留言話間酒店不負責任、又叫酒店回水。亦有網民覺得班學生同老師都有問題，既然佢哋覺得熱，覺得酒店應該做返啲嘢，但當時班學生同老師又唔出聲？。網民又狂插班老師，話佢哋寧願早走都唔幫學生出頭。不過有網民就理性分析，話酒店如果出現咁嘅情況又有通知食客，咁就緊係冇問題，但如果有通知而食客最終都係決定去，咁就係食客嘅問題啦。