日本妹去迪士尼做呢樣嘢　網民：真係好無品 | 真心膠 | 膠Hub

好多港女都鍾意去迪士尼，每次都要打個卡先肯走，真係搞佢哋唔掂。如果你條女要去迪士尼商店影公仔，記得要阻止佢哋，事關好多時啲公仔都俾人整到污糟晒。閱讀全文
去迪士尼都想玩得開開心心嘅，有時走入商店會想買下公仔呀，嘢食呀，不過買公仔之前真係考慮一下，你會唔會介意有人掂過佢先好買。


事關最近有網民大爆，有幾個日本妹去迪士尼商店，對著啲公仔又攬又錫，諗到個公仔俾佢整到成堆化妝品同口水，真係買唔落手囉。




唔止櫻花妹有咁做，連男仔都會咁做，真係完全搞唔掂。唔少網友紛紛怒斥：「為什麼這麼多人都不明白，東西在買之前都不是自己的這件事？」、「整污糟就買咗佢啦」、「好無品」。


其實影相還影相，使唔使癡塊面埋去呢？網友更憤怒嘅係連藝人都帶頭咁做。AKB48前成員岩田華憐曾經post過一張相，下巴同嘴都貼近小熊維尼，啲化妝品好大機會整污糟隻公仔。


有迪士尼員工話，一旦商品俾人錫過、俾化妝品弄髒，就會即刻丟棄，但佢哋冇辦法強制阻止呢類行為發生，真係搞唔掂。


台妹帶呢樣嘢入迪士尼俾差人拉？好多女生出街都會帶備防狼器保護自己，原來唔係全部防狼器都合法㗎！一名台妹日前打算到香港迪士尼樂園遊覽，但喺入場前進行安檢時，被發現攜帶防狼噴霧，迪士尼唔俾佢入場，佢就諗住扔咗佢就算，點知迪士尼竟然報警拉人！ 結果樂園就去唔成，變咗警署一日遊，全日行程報銷，真係慘慘豬！

台妹慘被拘留7粒鐘，期間除咗被警察盤問，影全身照，又要搜身，搜背包，沒收手機，甚至連鞋帶同紥頭髮嘅橡筋都要沒收，驚佢自殺喎！唔講以為拉咗超級重犯㖭！拘留完7粒鐘，仲要交埋保釋金先有得走！之後又要去法院認罪交1000港元罰款！



事後台妹就上Facebook「爆怨公社」講返件呢件嚇親又掃興嘅事，提醒其他人要小心！

其實台灣桃園機場官網有提醒旅客帶防狼噴霧可能違法，出門旅行前真係要熟讀Q & A呀！

原來好多香港人都唔知，防狼噴霧屬受管制嘅違禁品，受「香港法例第238章火器及彈藥條例」管制，如私自藏有，可被控「無牌管有槍械」罪。


更多網民質疑嘅係，點解園方同警方唔包容台灣旅客嘅無心之失？如果主角係強國人，係咪會例牌放生？而家係咪欺善怕惡先？

樂園就去唔成，變咗警署一日遊


膠通消息來源：爆怨公社、ETtoday新聞雲、聯合新聞網


[圖擷取自網路，如有疑問請私訊]