MK女神封盤！當街三度咀嘴　傳馮盈盈年底嫁十優醫生男友

:0:0

2016年港姐冠軍馮盈盈（Crystal）當選前已經有「港大校花」之稱，近來在大台也有不少出色的表現，在《果欄中的江湖大嫂》中演得「小狼女」夠貼地，演技也得到讚賞。而她可謂係近年最真性情最直腸直肚港姐，佢喺《後生仔傾吓偈》中久唔久就會貼地爆肚，中point之餘又夠哂抵死…
無他嘅，屋企有米、又已經被十優狀元兼瑪麗醫院內科醫生男友私有化，擺到明志不在此，保持港姐形象只是次要，最重要是擒實個醫生男友仲好過！所以人拍拖佢拍拖，早前喺銅鑼灣街頭上演真人慾火騷，攬腰掃臀啜完又啜，唔好搞錯，全部都係女方做主動，堪稱史上最進擊的港姐！
Cap嚟見我
馮盈盈初戀約會「濕晒」孭住港姐光環，時刻保持美貌與智慧並重之餘，言行都要保住香港小姐形象，不過23歲馮盈盈冇有怕，在《後生仔傾吓偈》有味話題，而日前盈盈在節目的「人生的第一次」話題上，再度語出驚人，透露初戀約會就「濕晒」！馮盈盈爆響口話自己初戀係19歲，之後開始講番自己首次約會嘅情況，提到當時約會嘅時候都仲未係男朋友。

馮盈盈可能回憶緊第一次初戀約會嘅回憶，愈講就愈緊張，愈嚟愈就口窒窒咁，仲話約會當晚就一齊咗，然後就拖手，話自己睇落表面好似好平靜咁，但實際內裹就好緊張，所以勁多手汗！佢仲話：「到隻手啲汗已經滴緊落地下。點知要拖手喎，真係想死。」

濕完又乾，乾完又濕嘅馮盈盈，就繼續停唔到口咁繼續講落去自己對手有幾濕嘅情況。

馮盈盈話：「嗰陣已經係抹乾晒都繼續濕嘅程度，搞唔掂。」聽落咁都真係幾嚴重下。

進擊的港姐冠軍鬧市啜爆男友現實生活中，馮盈盈是愛情大過天，萬大事大不過綁住醫生男友鍾文浩(Martin)。早前馮盈盈一收工妝都未落、頭都未拆，一支箭驅車過海先，原來相約男友Martin去銅鑼灣拍拖。

男友未嚟，盈盈先去甜品店叫杯飲品坐住等！
街頭連體嬰放工冇落妝馮盈盈，身處一年三百六十五日都人山人海的老銅，身為港姐懶理會被人認得出，照樣當街搵食、醫肚都要揀間排晒長龍嘅人氣拉面麵店。參選時被爆戀情，馮盈盈將在社交網絡晒恩愛相鏟走，但去到街，後生女始終忍唔住同男友做連體嬰。

拍拖三年，馮盈盈同男友表現得仍然十足熱戀期，話題多多又有講又笑，拍咗大半個鐘等食面都唔覺悶。第一啜可能係港姐史上最主動冠軍人馬，馮盈盈同醫生未婚夫Martin拍拖食面，地方淺窄逼滿食客，一樣情不自禁主動嘟嘴錫男友。

連食個拉麵拑到實仲要嘟嘴索埋吻，視一街市民同店內食客如無物。去到鬧市銅鑼灣拍拖，馮盈盈全程黐實男友扮連體嬰，甚至比男方更進取，拖手攬腰都係女方做主動。

短短幾粒鐘、食個飯又再歎個雪糕，馮盈盈完全無掩對男友嘅依賴同愛慕之心，手照拖、腰照攬。

唔少得相機食先，再同男友selfie！

第二啜食完面再歎完甜品，二人齊齊攞車返歸，馮盈盈一上車又甜絲絲撩男友，主動托住Martin塊面拉埋嘴邊啜多啖。

女友主動到咁，正常男人都按捺不住，去到停車場見冇人，醫生男友攬到馮盈盈實一實！

盈盈真係好大食等男友前先飲一杯許留山墊肚，食完碗拉面再一人一支雪糕，馮盈盈食量真係非一盤，返到屋企停車場再KO一包薯片。

第三啜二人各自一個座駕返回男方荃灣寓所時，分離短短二十分鐘車程，一入停車場再如隔三秋嘴番個先。

唔使講出口，身體語言已經話你知，港姐形象同電視台份工？比起mark實做醫生太太又算得係老幾？十優醫生男友藍寶石戒指求婚馮盈盈現任男友Martin大有來頭，現為瑪麗醫院內科醫生，中學就讀喇沙書院，05年會考獲10A，順利入讀港大醫科畢業。馮盈盈早在參選期間已在社交網站刪去不少合照，不過男友唔配合，仍然狂晒二人的甜蜜照片。