【有片】邊個話女人一定鍾意乾淨？ 　污糟起上嚟⋯涼都唔L沖呀 | 真心膠 | 膠Hub

好多人都認為女人乾淨過男人，咁你就錯喇！原來女人糟污起上嚟，真係可以好恐怖！YouTuber托哥最近去咗英國，做咗一個關於沖涼嘅街頭訪問，結果真係嚇死人！原來大部分英國人都唔會喺夜晩沖涼，就直接跳上床瞓，而班女受訪者更加係污糟到得人驚！完全顛覆晒英國人嘅優雅端裝形象！
閱讀全文
托哥寄居喺英國朋友屋企，佢發現屋內冇人會喺夜晚沖涼，朋友話全英國嘅人都係咁，托哥表示好震驚！

於是佢就決定要喺倫敦街頭進行呢個調查：Do you shower at night?

第一個受訪嘅女仔表示，自己從來唔會喺夜晚沖涼，因為驚冷親！佢仲要隔日先沖一次涼！

直認自己張床係污糟嘅！！

呢個女受訪者顛覆咗「女仔愛乾淨」呢個概念！

呢位男士話佢一般都係朝早先沖涼。

佢話托哥個問題係一個「Good Question」，仲講笑話要考慮夜晚沖涼。

呢位仁兄都係朝早先沖涼，佢仲話每個星期都會換床單，唔怕污糟。

呢位小姐認同唔沖涼就瞓係污糟㗎！不過第二朝沖完涼咪乾淨返囉！

終於搵到個英國人會夜晚沖涼㗎喇！呢位小姐會喺夜晚泡浴，但唔係每晚囉！

托哥話經過呢次街訪，了解多咗英國人嘅生活文化，不過佢就話唔好學佢哋，一定要沖涼！經常沖涼！

喺亞洲人嘅觀念，一日起碼沖一次涼，而且必定會沖完涼先瞓覺，但係歐美人士就相反，未必日日沖，仲大多數係朝早瞓醒先沖！

有網民就認為關天氣事，亞洲又熱又濕，出完街唔沖涼實在太可怕了！相反，歐美國家又乾又凍，唔沖涼都唔覺得自己太污糟。

但托哥認為，就算冇出汗，出完街都好污糟！

據2015年英國《鏡報》指出，英國人每年平均沖涼227次，大約1.6日先沖一次涼。

睇片
膠通消息來源：東森新聞、托哥YouTube Channel


[圖擷取自網路，如有疑問請私訊]