打機識囡囡真係開花結果？　巴打：未來嘅妻子！ | 真心膠 | 膠Hub

無論幾時正嘅妹子都係好受歡迎嘅存在，如果呢個妹子識打機呢？咁就係毒L宅男嘅女神。所以係以前電話未興起嘅年代，網絡人妖就已經存在。不過最近有巴打懷疑自己中咗古老嘅網絡人妖伏。
閱讀全文

唔知大家見到呢個女仔，覺得佢正唔正先！但係大家跟車唔好咁貼住，事關有巴打就中咗伏。

是咁的，有巴打打機識咗個打機嘅台妹，咁呢個妹子就好似同佢好好傾，咁呢位巴打就墮落愛河。

打機果陣佢已經好善談(文字上),又有禮貌,技術又唔錯.
加佢聯絡好友之後發現佢icon有張相,好撚靚,講真,好有氣質好吸引我.

佢問妹子個icon係邊個，妹子大方咁認係自己。

呢個妹子都會開下台，擺下自己上網嘅片俾其他人睇。

咁到底發生咩事？巴打就咁樣解釋：

一開始傾得好投契,佢又比曬機會我話我令佢好有印象blablabla.
講真,對於一個情竇初開既小毒撚來講,佢每一舉一動一言一行都令我dokidoki,
佢一覆我就秒回,佢要搵人打機我就即刻on,佢開youtube我就即刻做觀眾.
久旱逢春,佢既出現對於我來講簡直係Miss Right,打從骨子裡致命地吸引住我.
我已經認定佢為自己未來既妻子,打算對佢至死不渝,甚至搵埋飛台灣既機票,打算直接買一束鮮花去佢間大學跪地求交往.
愛情,對我來講似乎終於可以獲得.
雖然佢至今都未開mic講過半句野,
無論係佢果數百條youtube片定佢同人開副本打機既live.
都冇講過一句野
點解我會知?因為佢每一條片每一秒鐘我都聽,但毫無發現,有時佢d mic收到雜音,但唯獨佢把聲,永遠都收唔到.

佢就發現妹子好鍾意松井玲奈，同埋日韓女明星，咁佢就唔小心發現台灣妹子嘅icon好似女星松井玲奈。


巴打最後咁講，其實佢都唔知點算好：

我唔知應唔應該同佢攤牌好.
可能依個世界真係有人兩粒密喺同一個位置.
其實我做咁多野,都係想firm佢係個女仔,就算佢唔係相中人都好啊.
如今我好似知道個答案,但又唔想面對

呢個post好快就俾巴打們推上熱門，巴打們都一齊嘴砲。
又係呢幅老是常出現嘅圖，但真係好鬼精景。

中伏嘅巴打仲話自己攞過妹子嘅icon打丁，依家諗翻起真係好嘔心。
肥仔黎都估唔到呢個年，2018仍然有2網絡人妖。有都算，竟然仲有人中伏。


越嚟越多證據指出其實個妹子係一個摳腳大漢。

呢位巴打講得啱，冇損手離場就算。

有巴打認到個icon係台灣 Youtuber 本本。

有識呢位妹子嘅巴打出黎俾咗關鍵性嘅證據，咁次樓主巴打真係慘到冇朋友。

膠通消息來水


[圖擷取自網路，如有疑問請私訊]