新聞小花張文采出嫁消防員　新娘姊妹團好有睇頭

無綫新聞部主播張文采(Wendy)，3年前狠撇偷食男友羅鈞滿，當時她宣告「分」訊還留言︰「依家我重生喇！」文采仲自嘲蠢兼浪費4年青春。不過佢已經找到Mr. Right喇！今日張文采嫁畀細佢兩年、任職消防員嘅盧樂輝(Benedict)，一對新人喺紅磡一間酒店擺酒結婚，一班前主播做姊妹送佢出嫁，場面溫馨又感人，恭喜晒文采！
閱讀全文
張文采嫁消防員 索主播做姊妹團有「新聞之花」之稱33歲嘅張文采今日出嫁，同細佢兩年任職消防員嘅老公盧樂輝結婚，張文采以一身紅色旗袍代替傳統裙褂出門，見佢戴咗一條簡潔嘅金頸鏈及一對龍鳳鈪，高貴又優雅。而一班昔日嘅無綫新聞主播好似李朗怡、盤翠瑩、馬秀荃都有份擔任姊妹團，而姚雋彥都仲反串埋做姊妹，就知佢哋都幾好感情啦！
 
（左起）馬秀荃、李朗怡、張文采，另（右起）姚雋彥與盤翠瑩
見好友升呢做人妻，姚雋彥送上祝福喺社交平台留言話：「聽過你太多心事 但已經不再重要，眼見你要做新娘，做蜜友的真想撒嬌。」



雖然張文采就未有上載新相於社交網，但就已經急不待換咗頭像，見佢低頭情深款走咁望住個花球，就知道佢幾咁幸福啦！

 
33歲主播張文采 嫁消防員入行10年的張文采專業形象深入民心，佢早前剛度過33歲生日，早前就同消防員未婚夫Benedict嘅兩輯婚紗照曝光，二人先在香港取影拍攝，之後再飛去日本輕井澤，影多一輯浪漫既櫻花婚紗相，非常甜蜜又合襯！

圖片來源：Picasso Wedding去年年底，一對準新人亦喺香港影過一輯婚紗相，先後到到中環鬧市、地質公園以及石澳取景，好靚！
圖片來源：Picasso Wedding圖片來源：Picasso Wedding影婚紗相其實好攰，仲要喺日本輕井澤周圍搵靚景，不過準新娘張文采就神采飛揚，影完仲大讚影同化妝好好，淨係笑就夠！
圖片來源：Picasso Wedding
今年10月將會成為人妻，明年就要派利是喇！所以今年農曆新年，文采笑言會好努力咁逗利是，大家睇吓佢隻鑽戒幾大粒石！
而往年佢哋部分未婚嘅主播記者，都會畀已婚嘅主播催佢哋快啲脫離單身行列，早日派利是！


雖然不少同期的記者主播都相繼離巢，但一班新聞主播好似姚雋彥、李朗怡、陳正犖等新舊同事為Wendy慶祝33歲生日，其中姚雋彥仲留言話：「同準人妻慶祝最後嘅單身生日派對之餘，仲收到多一個好消息，呢個周末真係雙喜臨門！」大爆好友婚訊。


一班主播日對夜對，工作以外都好好感情，之前有主播生日，佢哋喺，張文采都有帶埋未婚夫出嚟！


素顏嘅張文采，你哋見過未？
已離職的前無綫主播李朗怡講笑，話陳正犖同張文采誰留守到最後就是勝利者！

新聞主播李朗怡同張文采好friend，李朗怡結婚佢都有做姊妹，但原來當日張文采物色婚紗攝影公司，都係李朗怡介紹影pre-wedding，兩位靚主播都揀咗去日本嘅輕井澤影櫻花，但拍攝場景完全無重覆！



[圖擷取自網路，如有疑問請私訊]