【有片】火爆巴士佬用粗口叫阿婆上車　‘‘呢個站行L死你啊’’ | 真心膠 | 膠Hub

成日都話咩巴士佬、的士佬、小巴佬都好鬼火爆，不過今次呢單巴士佬用粗口大戰阿婆，就真係冇俾網民鬧之餘，仲讚佢好有愛。閱讀全文
有個阿婆搭緊㗎駛去九龍城衙前圍道嘅巴士，本身阿婆想去九龍城廣場，但佢聽咗個女乘客講所以冇啦啦落咗車，點知巴士佬就嚟料。


巴士佬除咗條安全帶，開前面車門鬧女乘客：「下個站先啱啊，你點教佢㗎？」巴士佬就爆粗：「呢個站行L死你啊！你上返嚟啦。」

阿婆上返車之後，巴士佬仲講多次：「呢個站行L死你啊！你扶住啦！」。雖然巴士佬真係好火爆仲粗口盡出，但阿婆都真係唔該晒佢。

唔少網民紛紛留言：「幫人都可以幫到爆晒粗？」、「我都聽唔到有人講粗口喎，只係見到好人司機一位」、「巴士佬好有愛」。

唔講咁多，去片！

巴士佬
好火爆！
Posted by 大娛樂家 on Friday, 10 August 2018
近日網上流傳一段車cam片，事緣係有個女乘客搭完的士俾錢嗰時，用500蚊支付24蚊車資，當時司機以「懷疑係假銀紙」拒絕找續，而女乘客亦拒絕到附近「唱錢」，搞到要報警收場。點知警察嚟到就開始咗呢場「的士佬大戰走音兇惡警」嘅好戲，仲精彩過TVB啲劇。

近日YouTube流傳一段車cam片，片中女乘客搭完的士要俾24蚊，不過佢落車嗰時發現冇晒散紙，諗住俾500蚊。點知搞到的士佬爆seed：「24蚊車資，畀500蚊」，女乘客就話：「500蚊唔係錢呀，你咪有錢找囉，咪玩啦！」，的士佬就答：「我點知你嗰張真定假」，搞到女乘客怒吊：「你用吓腦啦！」。
件事搞到報警，點知警察一到仲衰，警察問的士佬頭先車資幾錢：「24蚊定44蚊？」，司機就話等候期間車資已增至44元，警察就話唔好煩：「唔好同我計返之前跳喇，22就22啦，唔好同我嚟呢套，我驚佢又走去運輸署投訴」。

的士佬唔甘心：「你識唔識法例？」，警察反指「係咪一定要同我講法律」，的士佬就話：「香港地唔講法例講咩呀」。講完呢句搞到警察嬲到話要玩大佢，叫個女乘客唔駛俾錢，而的士佬就發晒爛渣，愈鬧愈激！

有網民撐的士佬：「好彩有錄音，的士可以告阿Sir，擺明老屈」、「警察唔講法例，明老屈老實市民」、「警察同乘客一樣衰」。睇條片睇下邊個啱邊個錯！

的士佬大戰警察
好惡啊！
Posted by O咀新聞台 on Friday, 20 July 2018
趕時間就會call車㗎啦，唔係咁貴搭的士為咩？最近網上瘋傳一段電話錄音，話有個港女call咗的士，但個的士司機遲遲都未到，搞到港女遲晒大到，火都嚟話要「玩死你個司機」！一開頭個港女就好激動話︰「喂你哋都真係幾好嘢喎，你地都真係幾好嘢喎XX，我Call咗你哋架的士啊，佢自己遲到呀！」仲話個司機遲到搞到佢都遲到。

個司機就講「我唔會同你揸快車㗎，你遲到唔關我事」，港女即刻嚟料「咁緊係唔會啦係咪先，博犯法咩？明明係佢自己遲到先，佢應承我6分鐘到，但6分鐘都未到呀，依家我冇車呀！」

港女繼續爆seed：「我長期Call你哋的士，我已經第二次Call成咁，你點樣補償番俾我呀！」仲話：「我要玩死你個司機、你同我玩死佢呀」

司機聽到唔想理佢：「嗯、哦、好呀，我幫你跟進」、「小姐，我呢度係管理處㗎，唔係畀你鬧，你係咁鬧我，解決唔到件事」就cut線。

唔少網民留言鬧爆條港女：「擺明有精神病啦」、「大客喎 成日坐的士 咁日日坐地鐵果d咪VIP？」、「你地以為佢傻！佢有講架『你要免費一次返比我！』」、「想問吓，就算的士準時到，是否保證準時到目的地，乜有D咁嘅保證咩？唔準時到目的地嘅途中，的士司機會否不停被迫聆聽廣東俗語？」

有網民食花生：「俾佢啦，佢要個壯男司機」、「好L正，管理處」、「我會教佢：包車包成個月，就一定唔洗等車啦～」、「九巴個app成膠日都吾準，我又要九巴補償免費一次」、「自己買部直升機喇」

唔講咁多，去片！

港女大戰的士台
好L癲！
Posted by O咀新聞台 on Tuesday, 8 May 2018
膠通消息：東網電視、頭條日報


[圖擷取自網路，如有疑問請私訊]