老千維修師傅無料扮四條　撬爛部機借啲依想收機 | 真心膠 | 膠Hub

電器用得耐就緊係會壞㗎啦！壞咗又唔想扔咗佢咪搵師傅整整佢囉！早前有網友部Sony 3D電視壞咗，諗住搵師傅整返好佢，不過如果個師傅咁騎呢，你會點做先？
閱讀全文
話說樓主間房部電視琴晚突然開唔到，咁諗住整得就整啦，話晒都係Sony 3D電視，又要用嚟玩PS4，咁樓主估計應該係燒咗火牛，都唔係啲咩大問題，於是即刻上網搵咗間叫德昌電子公司，約師傅上屋企整，咁間公司就話安排個師傅上去幫佢整。

師傅上到嚟連火牛接唔接到電都未試，就話唔關火牛事，之後拆開個後蓋睇部電視入面啲野，check兩check就話係電視晶片壞咗。樓主話可能係火牛有事，維修師傅就話佢用儀器檢查到係晶片問題，咁維修師傅點都應該係專業嘅，咪信佢關晶片事囉！

師傅檢查完就收$300檢查加維修費，零件另計，師傅話換塊晶片要$1200，樓主心諗「哇！咁咪成千五蚊」於是決定考慮下換唔換咗塊晶片。

樓主都仲諗緊換唔換嗰陣，師傅冇啦啦撬開電視塊晶片係度睇，仲撬咗入面一粒野出嚟，樓主問師傅粒嘢係咩嚟，佢話係啲遙控嘅嘢。諗諗下樓主都係決定唔整住，再搵第個師傅上嚟睇，點知個師傅就叫樓主「你唔要部機比我呀，我要呀」，大佬啊人地係搵第個師傅睇炸唔係唔要部機啊！

之後第二個師傅幫樓主駁一駁就知真係火牛燒咗，啲電到唔倒所以部機先開唔到，駁完新火牛都發覺開唔到先打開後蓋幫樓主睇，發覺塊晶片個位比人撬過，入面仲要無咗粒嘢，正正就係之前個師傅撬出嚟嗰粒（遙控嘅嘢），樓主又無為意佢拎走咗，不過好彩呢個師傅話佢有嗰粒嘢，可以幫佢整得返。

樓主真係嬲到癡線，心諗點解可以拆開啲嘢睇仲撬爛人啲嘢？樓主緊係想搵返個師傅出嚟鬧爆佢，點知打返俾師傅講唔夠兩句佢就cut線，咁樓主再打返去間公司問，間公司連個師傅名都俾唔到，仲話佢地喺上網（師傅網）搵人，叫返樓主搵到條友啲資料再報返俾佢地。好A字膊喎！上網查返先知間公司有前科，都係咁樣呃人。
    
唔少網友都紛紛留言：
諗起都硬

明顯互推責任
個師傅更加想呃你果千幾蚊

假裝開心

直接報警啦

薑薑餅人

電視咁平壞左就買過部喇
舊果部拎去回收又好點都好
以前電視壞就整電視
HiFi壞就整HiFi
其實根本就onX倒錢落海
整完三兩個月又玩完再壞過

大家都係小心啲啦！冇咩事肥仔黎都係出返去做嘢先。

你有咩膠句想分享下？


[圖擷取自網路，如有疑問請私訊]