細數5大曾經好hit嘅餐廳　巴打：好掛住牛仔芝堡呀！ | 真心膠 | 膠Hub

近年台式飲品同北方嘅麻辣食物攻佔香港，出街食嘢好似得返幾種味咁，令人開始懷念以前嘅「美食天堂」，「美食天堂」唔一定指間間食肆都係世界級咁好味，而係真正多元化、有選擇，你可以揀美食，佢以可揀劣食。有連登巴打就開咗呢個題：「一人一間曾經好hit嘅但依家已經收咗皮嘅餐廳」，巴絲們列出咗一大堆那些年曾經好hit，而家已經執咗笠或者「走咗樣」嘅餐廳。肥仔黎就揀咗5間心水，同大家回味一下。
閱讀全文
1. 哈迪斯
網民「老是常召喚」系列！那些年，高登仔曾經FF佢可以抗衡M記同KFC，可惜執下一間又一間，最終喺2006年全線收皮！
真係好多人召喚哈迪斯！



至今都仍然好多人掛住牛仔芝堡、磨菇飯、薯圈。



哈迪斯經典廣告美國得嚟唔同啲！童年回憶呀！

2. 許留山
曾幾何時，幾多學生放學一人手拎一杯芒椰奶西、芒椰蘆薈爽，仲有當年嘅芒果西米撈熱潮！而家許留山個個客都係講普通話、再唔係就日文韓文，收皮嘅唔係許留山，係本地客啫！

究竟點解日韓遊客咁鍾意芒果飲品？

3.扒王之王
平民扒房，學生都食得起，一家大細去叫幾個扒餐都唔會太肉赤，全盛時期全港有三十幾間分店，而家得返沙田娛樂城呢間分店，究竟佢衰乜？

4.明將壽司
明將嘅壽司款款都「創作力量同幻想會嚇你一跳」，當中最令人聞風喪膽嘅「紅豆軍艦」，西九龍中心分店更日日都吸引大量死士排隊挑戰。幾年前，美帝派嚟貼地嘅駐港總領事夏千福，佢在位期間不時四出落區，一眾高登仔多次推介佢到明將朝聖﹐可惜直到領事離任、明將收皮，都未能成事。

明將除咗係勇士挑戰人體極限之地，其實仲係好多窮L、學生、MK仔女嘅飯堂。

5. 元綠壽司所謂「辣辣壽司邊個食」，睇《奬門人》長大嘅一代，對日本菜嘅第一個印象多數都係元綠，講到呢度，就好似又有把聲喺耳邊響起：「本輯節目獎金獎品非常豐富其中包括⋯」

最後一間元綠分店已經喺2016年同大家講再見，不過仍然有好多人記得佢！



膠通消息來源：高登、連登、新假期


[圖擷取自網路，如有疑問請私訊]