聖誕必殺技！五個男生必學窩心小動作

:0:0

又到聖誕，又到駐聖誕～未知各位聖誕節約了心儀對象沒有？女生要的東西很簡單，男生做出窩心舉動已經會令她們心甜，現在即細數女生們喜歡男生做的窩心舉動，趁聖誕節期間，約會時冧死女啦！
閱讀全文
五個男生必學窩心小動作1. 幫女生穿外套出門時，幫女友或叮囑她帶外套是男朋友的責任，如果在冷氣地方，趁她還未察覺很凍的時候，已經將外套拿出，貼心披在她身上，女生們的心必定會被融化，絕對加分。

2. 留下最後一口食物男生們胃口相對比女生大，女朋友常常吃剩的食物都會交由男朋友來善後，但如果吃到好味的東西，男生們沒有獨食，而且還留了最後一口給女朋友，就代表女朋友地位絕對高，女生們要好好珍惜呀！

3. 點餐時主動避叫女生不愛吃的食物拍拖約會最經常做的事必定是吃飯，每個人都必定會有不愛吃的食物，如果跟對象或女朋友吃飯時主動避叫她不愛吃的食物菜式，不但證明了男生有用心記住女生的喜好，還盡顯男生的貼心。

4. 不避諱女生的噁心事這裡指的噁心小事例如有當女生在男生膊頭上睡著時流口水，或是拖著女朋友的手時她出手汗等等，男生不單止不介意，還會細心地替女生抹掉口水或手汗的話，這個男生絕不能失去。

5. 不讓女生行馬路邊每次與她外出，男生只讓她靠在馬路的內側，注意她的安全，或在過馬路時拖緊女生的手，帶領她過馬路，女生們已覺得這行為很安心了。

資料來源：新Monday、東方新地
睇埋：聖誕節5大激嬲女朋友／女神陷阱！男朋友＋兵仔必睇加分攻略仲有幾日就到聖誕節，男朋友只要做錯以下其中一樣，隨時會血洗聖誕節；而服役緊嘅你，只要避免中以下5個陷阱，話唔定能夠俘虜女神嘅心。
1. 無預約餐廳其實大家都心知肚明，所謂聖誕節大餐，只係平時Menu轉一轉個名，再收你Double價錢，不過難得一年一次，就算幾唔願意被人劏都好，男朋友或者兵仔點都要預約定餐廳。食聖誕大餐嘅重點係情調，食物只係其次。假如聖誕節都無預約好餐廳，即使你女朋友或者女神唔係港女，點都會有少少唔開心。假如兵仔喺呢部分做得好，甚至可以做到投其所好，一早留意女生喜歡食的菜式，預先Book定女神鍾意食嘅餐廳，話唔定從此可以退役。

雖然有部分女仔都喜歡簡簡單單食個飯就算，但亦唔排除你女朋友或者女神喜歡同餐廳食聖誕大餐。約佢之前，不妨問吓佢想食啲咩，咁就穩陣喇！

有部分女仔就鍾意食聖誕大餐，如果你可以Book到女朋友／女神鍾意食嘅餐廳，真係完全加晒分！2. 聽唔出女朋友／女神真正嘅意思其實唔少女性都係口是心非，當你問佢：「想收到咩禮物啊BB／女神？」大部分都唔會直接講出答案，又或者叫你唔使送。當你以為真係唔使送聖誕禮物嘅時候，少年，你太年輕了！其實女性唔直接講出答案，當然就係想你估吓佢嘅心諗緊咩，假如你估得中，又送得啱禮物的話，女朋友自然會覺得你十分了解佢；而女神當然對你嘅好感提升，甚至暗地裡加分。

部分女人好蠱惑，佢話「唔好送」即係「要送」，各位男生唔好蠢吓蠢吓咁喇，諗定佢需要啲咩喇。3. 送錯禮物其實送禮物係一種學問，首先你要了解收禮物對象需要啲咩、喜歡的牌子、款式，亦要考慮禮物的價錢及實用性。假如只係單方面從自己角度出發，送出認為「對方一定好鍾意」嘅禮物，隨時半隻腳踩入陷阱。所以作為男朋友或兵仔，當然要打聽一下女朋友或者女神的口風，假如最近對方話銀包開始爛，你要識做呢！

各位男生唔好懶醒，唔好從自己嘅角度出發，嘗試諗吓對方需要啲咩，咁就自然可以減少中伏機會。4. 求其影相在打卡至上的年代，唔少女仔都喜歡到不同地方影相打卡留念。再加上聖誕節咁多商場布置，就更加要影多啲相Po上IG呃Like啦！要幫女朋友／女神影靚相，當然唔可以求其影啦。要影一張靚相，絕對唔係咁易㗎葉師傅！
首先，你要做好無限影嘅準備。
第二，要準備好照片的構圖，唔好有其他閒雜人喺張相度出現。
第三，要低炒，影到女朋友／女神的長腿（無論佢有冇一對長腿）。
第四，要捕捉到女朋友／女神最漂亮、最甜美的一面。假如你影相影得靚，兵仔話唔定可以有下一次出街嘅機會，又可以同女神增進感情！

影一張靚相，當然要考慮照片的構圖，同埋要影到對方身體嘅特點（例如：長腿）。

除咗要影到女朋友／女神最靚的一面，有時都要影吓佢哋不經意嘅一面。5. 大時大節無表示即使你做錯以上4樣其中一樣，我諗女朋友／女神最多都會有少少嬲同唔開心。但如果你大時大節都無咩表示，例如：唔諗慶祝節目，甚至乎唔約女朋友出街，咁你可以執定包袱喇，下年吸取今年經驗啦朋友！仲未諗到買咩送畀對方，咁就要睇埋下文，睇吓有無心水禮物喇！