秋天的頻道
新劇《極度怪咖》 馮盈盈換新髮型 王浩信周旋七美女之間
:0:0
一眾藝人包括王浩信、張振朗、馮盈盈、高海寧、湯怡及石修等,今日出席無綫新劇《極度怪咖》試造型,剛勇奪「飛躍進步女藝員」的馮盈盈為劇集轉換新髮型,飾演一位斯文溫柔的千金小姐,FYY更笑說係演回自己!另外仲有唔少新鮮面孔,包括湯怡以及華姐亞軍林宣妤!
撰文:東方新地|圖片:東方新地、Instagram
閱讀全文
新劇《極度怪咖》 演員造型由林志華監製的大台新劇《極度怪咖》,今日舉行記招公開演員造型,演員陣容強勁,包括王浩信、張振朗、馮盈盈、高海寧、傅嘉莉、湯怡及石修等。見到各人造型都甚有新鮮感,馮盈盈有新髮型、長髮高Ling、白髮張振朗及四眼妹湯怡等。
《極度怪咖》中會有七大女角圍繞王浩信,個個有感情線,認真有豔福!
馮盈盈換新髮型演淑女今年最出位藝人之一的馮盈盈,今次為新劇換上新髮型,感覺好似乖女了不少!馮盈盈今次在劇中飾演一位斯文又溫柔的千金小姐,佢笑說角色同自己好貼近,可以演回自己淑女本色!大家點睇呢?
大家覺得得馮盈盈個新髮型如何?
馮盈盈之前已經喺IG預告過新髮型,仲問「係咪好Kawaii呢」高Ling有床上戲高Ling今次特別為角色駁長髮,原來係要配合劇中佢扮演女明星的百變造型,高Ling表示會同王浩信及石修哥有感情線,仲會同王浩信有場床上戲,色誘對方!
高Ling床上色誘戲?令人期待!
馮盈盈壓過高Ling?根據無綫派發的劇集資料,見到馮盈盈的排名較高海寧「高一級」,似係榮升女一!FYY聽罷就話自己只係「女七份一」,七個女角色之一。至於排名問題,佢就話一定係因為高Ling係K字頭,而自己係F字頭。果然轉數快~
馮盈盈和高海寧首次合作拍劇。
王浩信周旋七美女之間
今次劇集湯怡亦有份參演!有新鮮感之餘,呢個四眼妹look亦非常討好~
七大女角之一的傅嘉莉。
七大女角之一的蔣家旻,今次造型幾性感喎!
男主角方面,王浩信今次周旋於七位靚女之間,認真爽!
張振朗繼《踩過界》後再與王浩信合作,今次仲染了一頭白髮!
高Ling竟然同石修哥有感情戲!
最美華姐林宣妤今次劇集七大女角中,仲有另一位甚有新鮮感的面孔,就係2017年中華小姐亞軍林宣妤!林宣妤被譽為最美華姐之一,不過加入大台後卻未有過任何演出,而被視為TVB在2019年的最強武器!相信來年大把機會見到佢~
點解呢個角度睇,林宣妤好似有啲同湯怡撞樣?
延伸閱讀:華姐亞軍林宣妤 簽約後從未演出 成無綫2019年秘密武器?雖然高質花旦買少見少,不過大家唔使擔心!因為兩位2017年國際中華小姐佳麗余思霆同林宣妤都已經係大台中人,余思霆最近都曝光率漸高,之前有份主持蕭正楠、曹永廉的《兄弟大茶飯》;而林宣妤就比較特別,其出眾外表絕唔比任何一位小花輸蝕,不過簽約至今從未有任何演出,可能有機會成為TVB 2019年的最強秘密武器?!
仙氣逼人 賽前超級大熱林宣妤1996年出世的林宣妤(Serene)今年只係22歲,來自馬來西亞霹靂州,於大學修讀食物及營養學系,另亦有擔任主持、代言及封面女郎等工作。林宣妤於Astro國際華裔小姐競選2016奪得冠軍、最上鏡小姐、全民女神三大奬項,在華姐決賽前已經係超級大熱,可惜最終只得亞軍!佢亦係繼楊秀惠後,第二個來自馬來西亞的華姐加入TVB大家庭。
林宣妤華姐決賽重溫:
吉隆坡美女來自吉隆坡的林宣妤有着典型美女嘅大眼睛、白裏透紅肌膚加上一把飄逸長髮,身材修長、儀態萬千,甜笑時散發陣陣仙氣,如果真係有機會睇佢拍劇,小編一定晚晚開電視!(題外話,Serene啲廣東話都算講得幾好,拍劇應該聽得明!)
似Baby?似智孝?當年有網民話林宣妤似Angelababy,又有人話佢似韓國女團少女時代成員允兒,而小編就覺得同韓國氣質女神宋智孝有幾分相似。似邊個就見仁見智啦,重點係似親都係靚女!
呢個角度有冇啲宋智孝Feel?
林宣妤同馮盈盈好老友㗎!
一位咁高質的靚女,簽約無綫後竟然從未有演出機會!唔通係TVB留作2019年的秘密武器?定林宣妤其實志不在此?
林宣妤只曾經喺無綫節目《雞年唱旺報新春》和《深夜美食團》擔任嘉賓。
未拍劇先拍電影
林宣妤未拍過劇,反而演出過馬來西亞賀歲片《大大噠》。
林宣妤之前同羅仲謙拍過廣告,仲大讚對方靚仔!
另外睇番林宣妤幾年前的照片,雖然當時仍帶有幾分稚氣,不過已經係仙氣十足,天生麗質難自棄!
[圖擷取自網路,如有疑問請私訊]
本篇
不想錯過? 請追蹤FB專頁!
喜歡這篇嗎?快分享吧!
前一頁
後一頁
相關文章
九一八事變93周年紀念活動引發安全關注,深圳男子持刀刺傷日本學校學童,44歲嫌疑人被現場抓獲。
日本77歲富豪死亡案件再掀波瀾,22歲妻子須藤早貴面臨殺人指控,開庭意外揭露曾是AV女優。
近畿小子新作品拿下冠軍!堂本光一卻聲音發不出,難過認:第一次這麼嚴重...
神田沙也加渣男前任復出失敗!舞台劇《那天和陣雨同行》因安全疑慮取消,前山剛久面臨形象危機與觀眾失望。
國寶級女星綾瀨遙推出寫真第五彈,網友翻出過去18歲性感舊照,大尺度火辣程度網驚:「這是同一人嗎?」
中秋節烤肉必看!如何避免鄰里糾紛及投訴?日本媒體整理六招實用對策,讓你愉快過節無後顧之憂。
秋天的頻道
矮瓜、番茄、薯仔原來有尼古丁 英國研究: 食XX就等於吸一支煙 | 真心膠 | 膠Hub
梁朝偉演Marvel《上氣》大反派「滿大人」 X國人又玻璃心:辱華!
MK Pop始祖E-Kids成員阮民安(Tommy)現身旺角義載 「幫到手就幫!」
親!淘寶驚現$18「7天靈魂出竅術」教程 網民:細個上數學堂就識啦
網民10大最愛夾糖排名 邊款最受歡迎?可樂糖只排第2位 熊仔糖只食薄荷味!
【元朗恐襲】逾700港鐵司機實名聯署譴責控制中心 發起人疑遭上司襲擊受傷
台灣藝人挑戰72小時獨處實驗 專家:「孤獨感等於每日食15支煙!」
獅子狗除咗打邊爐仲可以點食? 創意料理食譜大公開
【割蓆放題】網民發功商戶紛紛撤回廣告 CCTVB台徽3隻色甩晒
美國減肥神器 Pavlok 電擊手環 食少啲零食靠哂佢!