準媽媽又出招鬧人　網民：香港無理取鬧嘅人最L多！ | 真心膠 | 膠Hub

隨街都會見到幫助殘疾人士嘅地方，例如樓梯隔離有斜路、地面上有盲人引導徑等。依啲可能對我哋冇咩作用，但對有需要嘅人就好重要。但有準媽媽喺網上大呻，話盲人引導徑令佢扭傷，仲話「乜香港周街都盲人咩?定周街多孕婦?」閱讀全文
該名準媽媽喺Facebook群組「上水人大聯盟」Upload一張相，仲出Post話盲人引導徑令到佢整親！

內文如下：
係，無錯，呢種的確方便了盲人，但卻扭親我呢個孕婦，乜香港周街都盲人咩?定周街多孕婦?

帖文一出即引起網民討論，認為該名準媽媽沒有顧及視障人士需要，留言「睇路咪得囉」、「條街唔可以有石頭，唔可以有垃圾出現，唔應該咁多人，唔應該種樹會有蚊蟲，仲有唔可以有盲人出現」。其後刪除帖文，但被網民截圖備份。
 
膠通消息來源：巴士的報
去譚仔瘋狂投訴三哥　網民：投訴埋苗僑偉呀笨！肥仔黎成日都食米線㗎，唔知大家去開邊一間呢？事情是咁的，有位小姐，就喺譚仔雲南米線個Facebook page度瘋狂投訴，指土瓜灣道譚仔分店嘅員工好無禮貌又講粗口，話員工態度好差點點點，仲不停喺唔同Post度留低咗一張相，講返佢點解咁嬲！

之後，肥仔黎就見到佢留咗好多次言，而譚仔嘅小編真係有上線回覆喎！

大家冇睇錯，而肥仔黎都冇重覆，而係嗰位小姐喺Facebook竟然一口氣喺唔同Post留咗超過20個留言，而每次譚仔雲南米線嘅小編都有回覆佢。但重點嘅重點係小編話：小姐去嘅唔係譚仔雲南米線喎！！！！

咁姐係話，譚仔雲南米線喺土瓜灣道冇分店，喺土瓜灣道冇分店，喺土瓜灣道冇分店！睇到依到肥仔黎已經笑到喊。

真相了，原來嗰間好似係三哥，但嗰位小姐一於少理，一句「但係你地都譚仔喎，唔理得你咁多」講到咁，OK，U Win！
之後唔少留言就喺度食花生。 仲有人叫小姐去投設埋三哥苗僑偉！

之後又有人話同集團，邊有分邊間邊間！

膠通消息來源：Facebook，連登


[圖擷取自網路，如有疑問請私訊]