【7出國際】腦殘喪妹追星追上飛機釀大亂　網民：CLS！點解冇人打7佢哋？

為咗追星， 佢哋可以去得幾盡？舉燈牌？尖叫？追車？拍窗？少年！你太天真了！係追到上飛機呀！4名中港「追星族」喪妹，為咗追星，買埋機票跟上機，點知臨起飛先突然要求落機退票，搞到全機乘客要一齊落機爾做安檢，真係痴L線！
閱讀全文
追星追到上機，仲要累街坊，真係CLS！據The Korea Times報導，韓國男團Wanna One上星期五來港出席MAMA頒獎禮後離港，4名中港「追星族」喪女，包括3名強國人，1名香港人。為咗要追星，買咗2張頭等、1張商務、1張經濟客位機票，上星期六登上大韓航空由香港往首爾嘅KE614客機，同偶像同機。


Wanna One出席MAMA頒獎禮香港站。

4人上機後，不停圍住偶像影相，唔理空姐阻止，直到臨起飛先突然要求落機，基於安全規定，全機360名乘客都要一齊落機，重新進行安檢，結果航班延誤約一小時，真係累街坊！4人嘅on9行為，被韓媒以「白痴」嚟形容，真係十分準確！

據悉佢哋要求航空公司退票，由於頭等機票可隨時退票，所以佢哋獲得全額退票！網民都表示驚震，認為航空公司唔單止唔應該退款，更應該向佢哋追究法律責任，否則就係助長呢啲自私行為！

 
航空公司曾向香港警方求助，要求調查4人，不過警方以無人報稱有財物損失為由，拒絕調查。

由於航班延遲約一小時先起飛，航空公司最終需要向香港國際機場繳交手續費。

網民一路鬧、一路恥笑呢班白痴妹！今次真係中港合作，仲要好成功⋯⋯咁出醜！


公平咩？



點解可以咁便宜佢哋？


唔捨得俾錢就唔好學人買頭等啦！


此先例一開，真係有排玩，以後搭飛機真係要自求多福！

原來以前試過有粉絲跟到入酒店房，洗唔洗咁癲？


同樣係「追星族」嘅網民都表示不滿。

資料來源：The Korea Times、連登


[圖擷取自網路，如有疑問請私訊]