【有片】你俾幾多家用老豆老母？　霸氣X國人：一個仙都唔洗俾！ | 真心膠 | 膠Hub

講錢傷感情，香港嘅後生仔好多時都因為俾家用問題同父母嗌交。「養兒防老」呢個觀念喺華人世界根深柢固，你有冇諗過「俾家用」原來唔係應份？YouTuber托哥同台灣媒體合作，喺中環街頭訪問咗嚟自唔同國家嘅路人，發現亞洲人通常都會乖乖俾家用，但係來自歐美嘅人就相反，更對「俾家用」表示WTF！東方人同西方人嘅思想觀念，果然係大不同！
閱讀全文
香港港仔1號用廣東話表示：「緊係會俾啦！我都係屋企嘅一份子，我都要貢獻返自己屋企㗎嘛！大概我會俾人工嘅20-30%！」

港仔2號表示，自己會請父母食飯，因為父母已經⋯⋯有！好！多！錢！
你係咪想撩交打呀？

港女表示，屋企姊妹多，每人俾幾千蚊就得喇！
嗯⋯⋯冇乜兄弟姊妹嘅窮L表示⋯⋯好葡萄！

英國英國仔話父母唔會問佢攞錢，不過佢會幫手交租，同埋俾錢買食物。

澳洲悉尼妹表示，澳洲冇「俾家用」呢個文化，除非父母有特別需要，咁佢都會幫手嘅！

美國美國仔仔話佢嘅事業先啱啱起步，所以唔會俾錢父母，就算將來搵到錢都唔會俾，因為呢個唔係主流。

美國仔唔俾家用，咁美國妹呢？

佢話嚟到亞洲之後，發現好多亞洲人都會俾錢照顧父母，所以佢漸漸都接受咗呢個觀念，自己都俾埋一份！

但係最爆嘅係⋯⋯佢話自己冇工作，但有俾家用！唔通嚟自賭城嘅佢⋯⋯係女賭神？

泰國佢嚟自秦國，係泰國先啱！佢話會成份糧俾晒父母！！！之後父母會再分返俾佢！佢話泰國人人都係咁喎！

台灣台妹甲話，老豆由細養到佢咁大，俾家用都好應該，佢會俾人工嘅六份之一做家用喎。

台妹乙話，佢啱啱出嚟做嘢！父母唔洗佢俾家用，等到佢工作穩定先俾啦！有咁明白事理嘅父母，好幸福啊！

台仔表示，父母識理財，所以佢唔洗俾家用！嗱！呢啲咪係贏在起跑線囉！

睇片東森新聞剪輯版

睇片托哥原汁原味版

膠通消息來源：托哥Torres、東森新聞
半工讀冇錢俾家用遭趕出家門　網民：窮人生仔正Hi Hi！好多人講起俾家用都會好頭痛，究竟俾幾多先叫夠呢？家下香港地百物騰貴，份糧唔見洗！咩都加，人工又唔見加！扣除食飯搭車、少少娛樂之後已經所餘無幾，儲錢都變成妄想！如果係後生仔，份糧唔多，仲要「上繳中央」，就更加煩了！不過大家點煩，都唔及「所有名俾人用曬」呢位連登絲打慘！佢因為即將要展開半工讀生涯，工時同收入都會減少，迫住要扣家用，點知就俾阿媽趕出家門，仲俾人鬧不孝，搞到佢好難受呀！
佢而家有家歸不得，唯有暫時寄居朋友家。

家家有本難念的經。

學生兼職份糧好少㗎咋！夠自己用已經好，都唔好話要俾家用。

「養兒防老」係上一代人眼中，好似係必然咁。

有幾多人好似呢位巴打咁幸福呢？

就算啱啱畢業第一份全職﹐都未必俾到好多家用。

當仔女係提款機⋯⋯

西方文化真係冇「俾家用」呢個觀念㗎！

教人「分家」好似好衰咁，不過⋯⋯

「不孝」真係一個好嚴重嘅指控。

絲打你要堅強呀！

你對我好，我對你好，簡單的一個道理！可惜好多家長唔明。

呢招好毒喎師兄！

家有明白事理嘅父母太幸福！

香港係一個「捽數」嘅世界！

咁樣開天殺價！苛索喎伯母！

所謂「窮人生仔正Hi Hi」

「可加可減機制」去到邊都係呃人嘅！

膠通消息來源：連登


[圖擷取自網路，如有疑問請私訊]