【譚仔之爭】毒L笑男人唔食辣係廢柴　巴打：咁都有得打飛機？ | 真心膠 | 膠Hub

譚仔可能係香港最多人最鍾意食嘅，亦都係最有本土風味嘅餐廳。但係呢佢地竟然成為連登開post鬧嘅嘢？譚仔咁好食點解要鬧？
閱讀全文
原來係有巴打係到嘴砲啲人唔食得辣，佢就地圖開post話自己今日係譚仔見到有人食清湯，係到笑人。之不過清湯有咩唔好呀呢位巴打，肥仔黎我都係清湯嘅fans啵。

緊住就有個巴打回應，唔知佢真係當事人，定佢係喺到借機寫潮文呢：

原來今日坐對面同條女齊齊食中辣個條仆街就係你
本來我都想開Post搵你出嚟 , 點知比你快一步。
好心你，咁大個人，食碗譚仔洗得你幾多錢 …
兩個人霸住個位，叫得碗一餸兩份食仲要飲熱水
仆街，最衰仲要比我聽到你地笑鳩我食清湯。
人地食乜你啲毒L都要管！

潮文不斷，啱啱個巴打就唔知佢真心定假膠，不過以下呢位巴打就一定係寫潮文：

是咁的
以前嘅我只係一件食清湯嘅柒頭
中學嗰陣初戀女友見我喺譚仔嗌咗清湯之後，嗰晚就同我講我同佢唔太夾要分手
出嚟做嘢同事們自從知我唔食得辣，之後想搵人一齊食lunch 個個唔係話約咗人就話自己帶咗飯
重記得有一次lunch hour經過譚仔，全公司包埋director們40幾人一齊堆喺譚仔 有講有笑 人人面前都放住一碗微紅嘅米線
入面有人見到我 好快就迴避咗眼神接觸 我都急急腳走 佢地就大聲喺度笑
我就知道 呢個世界 係幾咁現實
每次排親譚仔條隊 前面啲排骨mk叫個十小之後 堂堂米八嘅我頓然變得好渺小 只能細細聲落單

緊住佢仲講到：

「要 要個清湯」「咩話？靚仔你要咩湯？」「清 清湯….」
每次發生呢啲事時 我嘅湯底都會變鹹 因為我一路食 一路跌啲眼淚落碗湯度
喺大概半年前 我立定決心要食到十小
朝早起身用最嗱嘅牙膏直接刷條脷 平時沒嘢做就爽浪香口膠
慢慢地 我可以食到十小辣了！
我終於可以好似正常人食譚仔了！
成功當晚 我喊到收唔到聲 同檯識咗十幾年嘅好兄弟重問我係唔係太辣
但我唔自滿
我要一次過將以往嘅恥辱洗走
嗰日起 我加重訓練
到今朝 我認為我準備好了

lunch time我特登遲少少出去食 等班同事放下戒心
一如我所料 佢地見我未出去 就成班人衝咗去譚仔 覺得只要咁我就會唔好意思入去食
但今時唔同往日
我隔一陣落咗樓 行入咗平時避得就避嘅譚仔
班同事見我入嚟即刻靜晒
我冇理佢地 正好冇人排隊 我一直行去收銀處
個呀嬸陰住嘴咁問我咩湯底
我深呼吸一口 然後講
「五小辣 唔該！」
嗰一刻 彷彿時間靜止咗 入面嗰廚師好似唔多信自己聽到啲咩
班同事嚇到筷子都跌埋 離遠重聽到老細問呢個人係邊個 點解從來冇發現公司有咁嘅人才

故事竟然最後係咁，睇到女朋友個到笑咗：

我拎咗飛 緩緩搵位坐底
你問我點解唔同班同事坐？
因為我知 我已經唔係同佢地同一層次
初戀女朋友隔八年突然打比我 我默默cut佢線 將佢contact都del埋
喺呢刻 我無撼了

當然都有巴打支持清湯，好似肥仔黎咁，大家一齊高呼：清湯is the best ！


其實呢個post最正常最正路嘅解答係到，一碗姐，講乜鬼社會狀況。



有巴打分享類似經驗：

毒L要刷存在感。
精闢嘅推論，舉埋苦瓜做例子，真係駁唔到啵。


突破盲腸，到底樓主食乜。

膠通消息來源：連登

你有咩膠句想分享下？


[圖擷取自網路，如有疑問請私訊]