暗星搭飛機被認錯係當紅歌手 巴打：整到一樣樣！

空姐就成日有機會見到明星，緊係要把握機會同佢哋影返張相、傾下計咁啦。早前就有為暗星被空姐認錯咗做另一位當紅歌手，都咪話唔尷尬！
閱讀全文
內地男星陳志朋幾日前戴住口罩去搭飛機，該航班的機組人員都對佢表示熱烈歡迎，佢都有同大家影合照，乘務長仲讚佢「這麼大的一個大咖，還那麼親切、熱情的配合拍照，真的好棒，不像大家認為藝人是那麼不好接觸。」


後來陳志朋喺機上瞓咗，醒後發現有位空姐遞咗紙條俾佢，上面寫住「謙謙：天冷了，注意身體，你好Nice！愛你的FANS」，佢先知原來全機組人員由頭到尾都認錯咗佢做當紅歌手薛之謙！

佢喺微博同大家分享呢件趣事，仲喺文章tag薛之謙，幽默咁話：「謙謙，你一定要請俺吃頓飯，俺幫你做了這麼大的功德，感恩。」

相信嗰個空姐見到個post，應該會好尷尬，擺咗個大烏龍！

仔細睇佢哋兩個，五官同髮型的確有相似嘅成份，尤其係戴咗口罩只露出眼睛時特別似！
陳志朋薛之謙連粉絲都分唔出，空姐認錯都情有可原嘅！


膠通消息來源：陳志朋微博、薛之謙微博
睇埋：網友插《兄弟姊妹去旅行》三大死因 巴打：又一垃圾節目！近期無綫播出嘅《兄弟姊妹去旅行》搵嚟蕭正楠、曹永廉、胡定欣、姚子羚擔任主持，有留意開嘅網民都知佢哋幾個一直都係好朋友，老友鬼鬼嘅佢哋今次仲可以一齊去旅行，相信會有唔少火花！
佢哋幾個一向出名玩得又講得，大家互相串嚟串去都無有怕，一眾觀眾就最鐘意睇佢哋四人之間嘅互動！

但網民對呢個節目就評價麻麻啦，佢哋歸納咗三大主因：
1.唔夠爆不過有巴打就唔係幾滿意佢哋今次嘅表現啦！佢表示以前子羚明明講過會喺《兄弟姊妹去旅行》瘋狂派甜，但點個最後連砂糖都無粒 。

巴打覺得好失望，仲話啊田套《女人四十》派甜仲多過佢哋！

巴打本來一心期待子羚會有更爆嘅言行，因為上次佢喺《兄弟大茶飯》就表現好出色！
傳送門：0:50-1:09

肥仔黎就幫佢哋平反下，呢啲「有味」對話佢哋都仲有Keep住講嘅。
  

2.內容好悶有巴打都話係俾宣傳呃咗入去睇，明明就好悶！佢哋無認真介紹到有咩好玩，就係喺度嘻嘻哈哈！

個個都話又悶又唔好睇！



3.節目一忽忽可能佢哋之間「有味對話」太多，所以就要後期剪接剪走晒啲對話，搞到啲內容一忽忽，巴打話睇到好辛苦！無計啦，始終係俾一家大細睇，費時俾人投訴有不雅內容啦！

膠通消息來源：香港討論區、TVB截圖、蕭正楠Facebook


[圖擷取自網路，如有疑問請私訊]