機師KOL出Post公審國泰職員　巴打：俾你係人情，唔俾你係道理

坐飛機最正係咩？當然係喺唔駛俾錢下，又有得Upgrade！近日網絡 KOL「頭大大機師」就可以免費升級做商務艙位，但最後竟然發生咗啲嘢，搞到要公審國泰職員！
Cap嚟見我
「頭大大機師」近日喺個人Facebook出咗千字文，鬧爆國泰喎！雖然，冇雙方嘅控詞，唔夠公正，但大家可以食住花生先！

頭大大機師就話，自己想喺國泰航空（俗稱因航）買張機票由香港飛去新加坡，但網上預約座位時，10秒都冇就冇晒位，所以自己就打去客服處理，最後就買到！
之後，佢去到機場，就好好彩，被升級到商務艙。

頭大大機師見自己有得升級，所以就問埋可唔可以入埋貴賓室。佢話個地勤同自己講：「櫃台跟他們拿一張邀請函才可以進去」。但入到去，櫃台職員就話免費升級客人唔可以入貴賓室。所以頭大大機師就嬲嬲哋，要求職員提供相關的條款跟細則。可惜對方半小時都搵唔到，所以樓主就要求見經理。


之後，經理一出現就強調免費升級機票並唔可以使用貴賓室，但頭大大機師死都要話睇「條款跟細則」。經理好似都嬲嬲哋咁話「你不滿意的話我可以把你的機位調回經濟客艙」「這樣的事情沒有條款或任何細則的，正常人都不會有這樣的要求，你們是第一個拿著免費商務升級登機證要進貴賓室的人、而且也很Logical的，正常被免費升級的也不會有這麼多要求。」。

頭大大機師就話冇得升級嘅話「我不在乎，也不介意」，但一定要有「貴賓室使用條款」。

最後，頭大大機師寫埋投訴信都冇用，仲話「我不介意你侮辱我」、「但我發誓這一輩子不會再有第二次機會」、「這是我認識的國泰航空嗎？改名叫『過態航空』吧」。


不過，佢喺文嘅最後Tag咗好多香港嘅媒體，睇嚟係要搞大佢！

然而大多網民就不太認同樓主的想法，大多認爲樓主貪心：「你俾 econ 錢，已經免費俾你坐得舒服啲，仲想點？」、「有得 free upgrade 仲咁貪心」、「虧你好意思 post 出來」、「個經理講嘢係有問題，但你都唔好得去邊」、「我明你呢種人係點諗，係因為唔順氣」、「貪小便宜貪到咁都係第一次見」、「俾你係人情，唔俾你係道理」、「歪理到呢…兼不可一世樣子」

面對網民留言，樓主其後亦有回應：「我無俾錢入唔到好理所當然、只不過係覺得個經理犀利，我講嘅就係，完全唔需要理會客人感受」、「有 delay 你唔好投訴要人地賠償，被人_你面你笑住對人地～就啱晒啦」、「職員可以好好地講但絕對唔可以好似而家咁用威脅嘅語氣話你再嘈就


[圖擷取自網路，如有疑問請私訊]