莊端兒被邀出席200萬飯局　網民：原來啲錢係咁嚟？

近日，曾獲2013年「香港珠寶小姐」季軍嘅莊端兒出席《第三屆香港珠寶業傑出成就獎》新聞發佈會。於活動中，莊端兒就大爆有人曾經以工作為由，借機出價邀請出席內地飯局，醒目嘅莊端兒就梗係唔會上當啦！
Cap嚟見我
莊端兒出席新聞發佈會日前，莊端兒出席於尖沙咀舉行的《第三屆香港珠寶業傑出成就獎》新聞發佈會，身為第三屆珠寶小姐嘅莊端兒未入行前喺珠寶公司擔任銷售及市場推廣，因此對珠寶有一定的認識。她表示自己好鍾意鑽石，以前讀書時已經叫媽咪買，但直至大個出嚟工作就自己儲錢買。
莊端兒更自揭自己曾用幾個月時間去儲錢，買一對價值5萬蚊嘅耳環。女仔鍾意啲閃閃令嘅鑽石都係人之常情，而莊端兒就續指有意修讀珠寶鑽石課程，但依家忙於做網台主播工作，所以無暇讀書，不過如果有好酬勞嘅內衣或泳衣show，都唔排除會接呢類型嘅工作。

莊端兒娛圈朋友遇財務紏紛最近，有任職舞台劇導演兼演員涉嫌猥褻未成年少女被警方拘捕，莊端兒則表示自己有娛圈朋友曾遇上財務紏紛，指有一名男子自稱喺一間大型娛樂公司工作，故可以為其友人解約，稱需要費用4萬，最後被識破原來係個騙局，結果去咗報警處理，但直至現時依然未拉到犯案人。

莊端兒被邀出席富豪飯局莊端兒接受訪問時，坦言自己曾收到信息商討工作，不過其後對方借機要求出席飯局，更指如果食完餐飯後留低，就會有二百萬。佢直言聽到都驚，怕自己喺內地會冇咗個器官咁話喎！咁呢啲錢又真係唔賺好過賺嘅！

回應爭寵傳聞之後，談到被傳跟另一主播貝依霖爭寵，莊端兒極力否認，並指大家負責嘅節目唔同，只在開台時僅見過一次面。


[圖擷取自網路，如有疑問請私訊]