李心潔彭順婚變四週年　當年小三李悅彤依家 …

啟晴邨槍擊案相隔四年，當年轟動一時，直播畫面到依家都仲歷歷在目，不單因為當時罕有地再見到真正嘅飛虎隊出動，更因為當時槍擊案犯人，正正係當年介入李心潔同彭順婚姻，做小三嘅李悅彤嘅爸爸！當時李悅彤介入李心潔與彭順的婚姻而暴紅，恰巧同槍擊案同年～相隔四年，當年小三李悅彤今時今日 …
Cap嚟見我
香港小模李悅彤 (Liddy) 四年前介入李心潔與彭順的婚姻而暴紅，也因此背負小三罵名。


幾乎消失於螢光幕前嘅她，被揭轉戰幕後擔任活動策畫。

一失足成小三，仲點會有公司搵佢～搞到要「R」Job 做～何必呢！

不過，被知情人士爆料，其實李悅彤所任職嘅公司其老闆正是已婚嘅緋聞男友澳門富商鮑偉業。

兩人由2015年就傳出戀情，不過當然係無正面承認過啦～而且當時亦都極力撇清關係，仲強調只係「普通朋友」。

相隔四年，唔知李悅彤今時今日係咪仲係做返「小三」老本行呢？
李悅彤曾表示自踏入娛樂圈後，已經好擔心自己會被起底，原因係李悅彤曾因為家境問題做過陪酒。

後來因為搭上家境富裕嘅前男友，於是就火速同對方同居，並辭去夜總會嘅工作，一心諗住由前男友包養。可惜最終分手收場～

緊接就係同彭順陷入熱戀，當時李悅彤表示雙方係真感情，而且男方( 即彭順 )亦表明同李心潔早已經無晒感情，離婚是遲早的事。 (果然係正常小三對白)


做小三又點會有好下場～無幾耐就被爆出呢段不倫之戀，除引起娛樂圈一片譁然，仲令小三李悅彤一夜之間知名度大增，不過男方最後亦選擇正宮 (即李心潔)。


事隔多日，就發生當年轟動一時嘅啟晴邨槍擊案，主角正正係李悅彤嘅爸爸李德仁。亦因為呢單案件，令李悅彤更受關注！其身世更一度被傳媒揭露！原來，李悅彤嘅爸爸李德仁曾於2005年遭人搶劫，亦因為呢次劫案，左手手掌被劈傷引致後來無法繼續再做廚師！亦因為咁而導致家中經濟來源慘被中斷。

據指，李悅彤嘅爸爸並無就咁放棄，後黎轉仲戰貿易市場，但卻不幸失利更不幸染上賭癮，最後更患上躁鬱症，終日借酒澆愁，有時飲醉酒會毆打妻女、更會拎住菜刀攻擊鄰居。

李悅彤為逃離患有躁鬱症嘅爸爸，決定帶住媽媽同妹妹離家出走，展開新生活。不過由於媽媽無工作，妹妹又患有抑鬱症，因此中學期間為咗家計，開始兼職做Model、亦有做過美容診所嘅護士，但加加埋埋每個月都只係得幾千數收入。最後，無可奈何底下只好選擇到中環夜總會做陪酒，收入大增至3至4萬元。

綜合案情背景，再加上全城對李悅彤指指點點，令李心潔嘅爸爸都表示：「聽到都好難過」


[圖擷取自網路，如有疑問請私訊]