鳳姐「黑超肥花」屈錢實錄　巴打：佢咁嘅樣邊值$3000 | 真心膠 | 膠Hub

:0:0

按摩除咗有正邪之分，都有黑店之分。最近有網民大爆油麻地有間按摩黑店，按摩師俾網民改名做「黑超肥花」，佢強迫男顧客接受貴價性服務，顧客唔肯俾錢想走，佢又禁錮對方逼佢俾錢先俾佢走。閱讀全文
「黑超肥花」按摩店位於油麻地一幢商住大廈嘅三樓，在樓梯轉角位置已經貼有「請直上樓上３樓推拿」嘅指示。「黑超肥花」上圍豐滿，經常戴住黑超，聲稱提供推拿服務。不過顧客上門後，「黑超肥花」就強迫男顧客接受貴價性服務，對方唔肯俾錢就反鎖大門禁錮對方，要對方擺低錢先可以走。

有受害嘅男網民爆料，話「黑超肥花」係假賣淫真屈錢。網民按門鐘上門，就見到戴黑超嘅中年女子，一副圓潤身形露出事業線。「黑超肥花」一嚟就遞上熱茶招呼，網民表明只係想做推拿，但見到牆上貼有「包你HAPPY，先付錢先，全套$3000」嘅紙牌，心知唔對路，諗住以「去銀行撳錢」為由走人。

點知「黑超肥花」就頂住個門口，唔俾佢走：「唔可以咁㗎，有閉路（電視），你沖涼先吖，做完先走！」網民覺得唔對路想走，「黑超肥花」就用龐大身軀擋住大門：「你唔好行咁埋呀，做乜事呀你！」。

網民堅持想走，「黑超肥花」就打開恤衫鈕：「我唔收你錢住先，係咪做㗎？」。網民就話只想做腳部推拿，「黑超肥花」就大大聲咁話：「點呀，你畀唔畀錢我吖！你爭我啲錢，睇咗我全相喎！」。最後「黑超肥花」跟網民去撳錢，仲一直都話網民仲差佢$1200 「肉金」，不過佢哋最後喺街擾攘二十分鐘，網民先甩到身。

每當人到空虛寂寞時，仲係想有啲野安慰下弱小嘅心靈。但用啲唔正確嘅途徑，咁就唔好啦⋯事關前排警方係今年2月至6月，進行代號「飛沙」嘅臥底行動，成功搗破一個由三合會操控嘅賣淫集團。

話說係警方於凌晨係尖沙嘴3間持牌酒吧，拘捕87人，包括66名泰國女子。行動中，被捕嘅泰國女子年齡介乎19至45歲，其餘被捕人士為本20名本地人及1名馬來西亞籍人士，包括13男8女，年齡介乎21至57歲。
有組織罪案及三合會調查科係2月起，派臥底搜集情報，發現有三合會成員以3間持牌酒吧作掩飾，操控賣淫活動，而且提供收受外圍波賭注。