宅男難題揀高達定揀女友　最後男朋友竟然私底下... | 真心膠 | 膠Hub

:0:0

好多男人都鍾意砌模型，嗰種快感同成功感班女人又點會明？向來高達同女人要二揀一，都係男人嘅難題。如果女朋友要求你要丟晒所有高達，先應承同你結婚，你又會點揀呢？閱讀全文
最近有網民向女朋友求婚，不過女朋友應承嘅條件，就係要求男友將所有高達丟晒佢。身為宅男嘅男朋友，辛辛苦苦砌佢哋出嚟，又搵埋櫃擺好佢，要男朋友丟晒佢啲心血，真係猶如殺人父母咁。

男朋友表面應承丟晒所有高達，但事實係開價15萬蚊俾熟人，幫佢照顧啲高達。點知俾女朋友知道，嬲到開post問巴絲打有咩辦法令男朋友丟晒啲高達。

網民似乎身同感受，紛紛留言，撐樓主嘅網友話：

高達咁自私的女人要嚟把鬼
即刻（清走d高達），就是最好時刻

有網友撐宅男男友：

我揀高達條女换左佢
做得啱咁專制婚後還有好日子過咩?
幾百蚊一個月租個迷你倉咪搞掂囉
叫佢掉晒Ｄ手袋先啦
比夠家用佢，就不合理我怎買了～～人是現實主義者，老秀也不例外

有網民食花生：

我都講過幾次，女人有時真係好傻。個男人唔玩高達，佢出去玩第二啲嘢你咪仲驚。
玩高達有幾貴？至多一萬幾千。見面都係宅男，幾可會有囡？
喜愛夜浦好D？買完快快趣番屋企砌模型好D？
揸住「核突膠公仔」好？揸住囡囡手仔好D吓話？
其實自己一個更開心……
問番老婆手袋同老公二揀一，睇吥佢地有乜答案
唔俾玩高達, 咁去玩女囉! 得咗!
好彩我老婆冇制止我買高達同其他玩具啫

男仔鍾意砌模型都明嘅，不過因為模型搞到要同女朋友分手，就真係嚴重咗啲！最近有絲打喺連登開post話男朋友因為啲模型而同佢講分手，是咁的，絲打男朋友好鍾意模型figure，好似高達、幪面超人、機械人，連戰隊系列都鍾意。同男朋友一齊咗三年，最初知道佢興趣都冇乜野，仲覺得幾有趣，男朋友又成日同佢分享鍾意嘅角色同故事，介紹晒比佢識，聽落都好似冇咩問題。

點知就嚟料啦！基本上次次見面，男朋友都會講佢啲玩具點點點、幪面超人/龍珠/xx戰隊嘅故事，一講就唔停口，完咗一個話題就再講另一個，有時仲會特登send啲片比佢睇，都算啦！

點知出到街仲衰！男朋友行街見到有佢鍾意嘅角色就問絲打係咩名、認唔認得佢係邊個，如果絲打唔記得，佢又會重新講多次個故事出嚟。行街好多時都會陪男朋友行玩具鋪，經過旺角油麻地一定會去睇，睇親就問邊隻靚啲或者型啲。大佬呀隻隻都差唔多款，係顏色有啲唔同，所以絲打次次都揀自己鍾意嘅顏色就算。

絲打開頭都覺得無問題，但日子耐咗就開始頂唔順。絲打緊係即刻同男朋友反映自己對啲模型玩具冇興趣，但講完男朋友都係冇乜改過，久而久之，絲打變咗真係對模型玩具反晒感，忍唔住發火話唔鍾意佢啲玩具，好憎佢地，叫佢唔好咁過份，間房冇哂位就唔好再買。點知男朋友竟然話女朋友唔尊重佢，扼殺佢嘅興趣同夢想而嗌分手，話要搵過個尊重同明白佢嘅女仔。