相信無論男仔女仔都好,床上面一定會有啲公仔或者攬枕。有啲人仲會當佢地係「老婆仔女」咁看待,如果有人唔覺意整污糟,隨時同佢「死過」!話說有個網民就喺Facebook群組「Tai Po 大埔」開Post,話自己喺街上執到個「師匠抱枕」,仲幫佢消埋毒,暫代保管。而且呼籲失主去認領,仲搞笑咁話:「你女朋友跌咗落街呀,快啲嚟帶佢返屋企!」閱讀全文
前排有網民就喺Facebook群組「Tai Po 大埔」尋失主,事關佢係喺太和附近行街,就見到地上有個動漫抱枕,而附近又有清潔姐姐係度執緊垃圾,驚「師匠抱枕」會俾姐姐執咗去扔,所以就帶左佢返去。
佢仲好好心咁幫個抱枕做簡單嘅消毒,仲話「邊個咁冇心肝呀,人哋晚晚陪住你」,呼籲物主快啲將「女朋友」帶返屋企,「不要冷落女朋友」。
屋企人見阿仔無啦啦帶個攬枕,緊係會問下啦,而網民就唔想屋企人誤會,就叫物主快啲黎認領,擺得唔到好耐,三日後冇人認領,佢就會扔咗去~
有唔少網民都大讚樓主好人:「俾我我會驚有病毒」,仲有人好搞笑咁話:「邊個負心漢連老婆都唔要」、「希望師匠唔係畀人拋棄」。為咗令「老婆仔」可以早日回家,網民都幫忙廣傳「師匠抱枕」跌落街,地毯式搜刮失主,希望呢個「師匠抱枕」可以快啲搵返佢嘅老公啦~
深圳有對新人舉辦咗一場非一般嘅婚禮,佢地竟然係婚宴親身表演跆拳道,新娘即席嚟咗一招「空手劈木板」,引嚟全場賓客尖叫!網上片段見到着住紅色晚禮服嘅新娘潘小姐,喺台上表演跆拳道,更大叫一聲「啊!」,徒手就擊破木板,獲得全場歡呼。