【女主角起底】俾美容妹2年呃50萬　毒L連佢隻手都未拖過 | 多戀事 | 膠Hub

近排傳到街知巷聞嘅真實騙案，你以為只有警訊先會有呢啲情節出現？錯啦！最近真係有宅男網戀出事，俾美容妹呃咗成50萬，絕對係橋唔怕舊，最緊要受。
閱讀全文
真毒撚2年俾美容妹呃50萬，但連手都冇拖過。
你絕對估唔到依家仲有人竟然會中美容妹伏。阿勇（化名）係一個宅男，佢就冇乜嗜好，因為返保安，佢好難識到女仔。咁佢平時淨係打機，就算佢上網識女仔，到依家都未約到人出街，係一個真正嘅毒L。
有一次阿勇識咗個美容妹Coco，佢就覺得自己搵到真愛。Coco又養狗，又會同屋企人食飯，覺得人哋好孝順好乖，仲會關心佢皮膚，介紹佢去元朗美容院親自幫佢做facial。
阿勇憶述當時感覺，Coco親手幫他做facial同針清，

「緊係興奮啦，咁難先約到個女仔」。
「身體接觸嘛，話晒有個女仔幫我清潔嘛……都有啲（戀愛）感覺。」

佢前後仲買咗20多次療程，總共差唔多俾咗4萬蚊。最誇張嘅係本身冇信用卡嘅佢，出咗張信用卡任Coco碌。

喺呢一年零八個月所謂嘅拍拖生活中，佢同Coco見面唔超過十次，仲要次次都有Coco嘅表弟阿杰，呢個阿杰係阿勇嘅軍師，做咩都係佢俾主意，然後由阿勇埋單。佢地之間最大嘅溝通就係whatsapp，連電話都冇，甚至有時幾個禮拜先覆佢。阿勇曾經多次埋怨，但係Coco都係冇乜行動，一切照舊一張好人卡收阿勇皮：

「好難見，好似嫦娥咁囉」
「你唔好怨我咁多，你都幾好，我都視你為結婚對象。」

月入1.3萬嘅阿勇冇朋友，又係屋企食飯，連車錢都係屋企人俾。本身草草埋埋有30萬係戶口，呢2年計落冇晒不特只，依家仲每月上貢一萬。2年冇咗差唔多50萬。俾咗咁多錢得到啲乜？就係Coco一句好好嘅稱讚。
一直以女仔人家要矜持，拒絕拖手同kiss嘅Coco，俾人見到其實佢喺呢一年零八個月嘅情侶關係入面，一直同行嘅表弟軍師阿杰先係Coco真正男朋友。佢地經常十指緊扣又攬腰，表現親暱。佢地仲經常一齊情侶衫，出入表弟屋企，關係好似情侶。
之前連登咪有個post話啲冇腦嘅港女唔應該去旅行，因為佢地根本唔識得好好保護自己。或者個位巴打語氣係嚴厲小小，但係佢都係希望大家係外遊嘅時候好好保護自己。不過人類總係犯相同嘅錯誤。點解咁講？因為又有港女中招。

有港女係大阪關西機場遇到騙案，個騙子仲要係香港人。成件事係咁嘅，有港女係facebook group分享自己嘅柒事，以「真人真事，警訊篇」為題講述自己被人呃咗5舊水。

佢聲稱佢係返香港嘅時候，遇到一個大隻佬，個大隻佬問佢係咪香港人，話自己一夜冇訓，自己個袋留低咗係名古屋，乜錢都冇。佢問咗港女事主借咗7千日圓，大約港紙5舊水左右。

大隻仔話自己係信和賣高達，遲啲會還返俾佢。當日最後緊係不了了之。所以港女今次應該除咗被呃錢，弱小嘅心靈都受咗傷！

港女咁樣形容自己：

「又天真，又傻的我，我要記下這一天」

佢將呢件事擺上網，希望提醒其他人。

不過有網民就無奈咁講：

「下……之前咪有人出過 post 提醒不要被騙」

所以大家去旅行要小心啊。唔好好似港女咁喇，不過肥仔黎就覺得佢今次個教訓都買得幾抵，5舊水姐。


冇腦港女真係咪L去旅行　網民：分分鐘俾人賣強姦連登除咗年經之外，仲有好多巴打就住最新嘅新聞時事，甚至係佢地網上見到嘅嘢開post講經。今次講經係講緊港女去強姦率比較高嘅地區旅行唔帶腦嘅事。

其實去旅行好鬼正常，近幾年好興獨自去旅行，咁一個人流浪窮游甚至想洗少啲錢嘅時候就會搭順風車，不過係某啲地區呢個可能係導致危險嘅行為。


連登有巴打就開post話啲港女冇腦就唔好學人去旅行，事關佢去伊朗竟然想搭順風車！伊朗係一個男性主義極重嘅國家，女性地位低不得只，強姦率極高。
有好心人提點佢，佢反而覺得個好心人係煩住曬。真係良心黨狗肺。

網友們都讚同樓主嘅睇法，要搭順風車應該去發達國家而唔係呢啲危險，治安又唔好嘅國家。



如有生活上遇到委屈、感情上遇到狗公、賤男或臭雞等，需要申訴嘅你，【香港公審聯盟】幫到你！
連結：https://www.facebook.com/groups/246253099226401


[圖擷取自網路，如有疑問請私訊]