大家樂燒雞竟然冇咗隻翼　網民爆笑：好戲在後頭 | 真心膠 | 膠Hub

每次嗌外賣都總有啲風險，一係入面啲嘢食少咗，一係就入面加料，想食餐飯姐都咁難？有網民外賣咗隻燒雞，點知返到去先知冇咗兩隻雞翼，真係唔知好嬲定好笑。閱讀全文
有網民喺大家樂買咗外賣燒雞，返到屋企打開個外賣盒，發現入面冇咗隻雞翼，「隻燒雞無左隻翼啊」。有人食花生咁話：「就收工D員工肚餓 食左少少啫。」、「隻雞無咗條命tim….」。

唔少網民睇到個post都忍唔住笑：「可能下午茶雞翼唔夠用，所以借咗隻雞翼嚟用」、「可能員工太餓，燒雞翼，佢鐘意食」、「無左個頭ar」。

不過都有網民覺得小事化大：「算啦！食少隻翼啫，咁都睇唔開」，事主就好嬲反駁話：「講真，你隻雞唔係好食，咁成個餐都唔算貴，無理由呃我隻翼。」。肥仔黎就覺得要食就堂食，咁咪睇得一清二楚，唔怕少緊啲嘢啦！


返工前食份早餐都好正常姐，食個豐富早餐先有力氣做嘢㗎嘛，不過如果買完個早餐，一打開發現個早餐偷工減料，咁就真係唔係好得喎！早前有網民喺葵興一間工廈小食店買咗份沙律火腿三文治，食咗啖就知道裝咗假狗。

有網民喺葵興一間工廈小食店買咗份沙律火腿三文治，點知食咗啖發覺唔對路。樓主嬲爆將張相放上Facebook，仲留言話：「今早在公司樓下買了份沙律腿治，咬一啖已覺得唔對，打開一睇，藝術的表現，葵興豪華大廈條巷仔，大家去開記得去睇藝術品。」
樓主將沙律火腿三文治打開，三文治入面塊火腿只有一小截，仲要切成一小條，而沙律醬只係塗咗麵包嘅三分之一。樓主稱呢間店為「良心舖」，仲話啲三文治係「藝術三文治」。

唔少網民都鬧爆食店：「好過份」、「離晒譜」，有網友食花生話：「好夠食」、「火腿冇益嘛，食少啲健康啲」、「咁好心機切條，呢啲直頭良心企業喇」。

小食店店主話咁做係想降低成本：「有食客反映話想平啲，寧願唔要咁多餡，我哋壓低成本，做到20蚊兩份，朝早食完晏晝再食，平返少少畀街坊！」。不過慳皮慳成咁，都冇咩人會想食囉！



[圖擷取自網路，如有疑問請私訊]