溤盈盈喺酒店剝光豬　被爆同佢一齊開放式沖涼…

:0:0

馮盈盈語出驚人就係人都知㗎啦！原來佢除咗講嘢開放，本身個人都好開放。最近佢喺節目《後生仔傾吓偈》，就俾華姐冠軍余思霆大爆佢秘密，原來馮盈盈喺酒店剝光豬周圍行。Cap嚟見我
近日大台節目《後生仔傾吓偈》中，華姐冠軍余思霆講起參選華姐嘅事，其中佢就大爆馮盈盈參選華姐時嘅真面目，原來馮盈盈鍾意喺酒店房內全裸周圍走，仲要除完衫唔係即刻去沖涼，而係呢度執下嘢，嗰度執下嘢。

余思霆話當年參選時，佢同馮盈盈住喺同一間酒店房。有日馮盈盈問佢：「你介唔介意我在你面前除衫？」，之後馮盈盈就喺佢面前脫淨bra同底褲，然後去沖涼。

喺第五日嗰時馮盈盈將行動升級，唔單止喺余思霆面前除衫，今次仲直接剝光豬，咩都唔着，全裸喺房入面周圍走！不過余思霆後尾索性都剝光豬，仲同馮盈盈一齊沖涼。麥明詩聽到佢哋咁都忍唔住話：「個情景好hot啊！」。

講多無謂，一齊重溫呢條片啦！

【後生仔傾吓偈】余思霆大爆馮盈盈,參選華姐開放真面目
【後生仔傾吓偈】余思霆大爆馮盈盈,參選華姐開放真面目後生仔女以馮盈盈做例子，大家講吓覺得雙子座嘅女性會具備乜嘢性格。其中盈盈好姊妹余思霆就話盈盈非常放，全因為同佢當年一齊去馬來西亞參選國際中華小姐，住埋同一間房，見到令人震驚嘅絕密真面目！！！#後生仔傾吓偈#雙子座#國際中華小姐麥明詩 Louisa MakCrystal Fung 馮盈盈陸浩明 6號余思霆 Stitch YuHoi Yeung (楊潮凱)⬇ 立即下載 big big channel睇更多啦！iOS 版本：https://goo.gl/dVK5FYAndroid版本: https://goo.gl/HYJDyJ
Posted by TVB on Tuesday, 17 July 2018
自從一齊主持《後生仔傾吓偈》後，麥明詩同馮盈盈呢兩位香港小姐冠軍就愈嚟愈熟，周不時都可以見到佢哋喺Instagram度上傳合照，又或者喺限時動態見到兩位美貌、智慧、與膽色並重嘅靚女嘅日常影片。講真網民都開始習慣「性博士」馮盈盈間唔中語出驚人，不過今次喺IG嘅新Post，就連麥明詩都join埋一份喎！網民嘅反應都幾多元吓，有啲就讚佢哋玩得，有啲就好似唔係好接受到咁啦⋯⋯
馮盈盈Hashtag麥明詩留言藏玄機事緣，馮盈盈近日就喺自己Instagram度上傳同麥明詩碰杯嘅合照，本身以為啲Caption正正路路、冇咩特別啦，點知肥仔黎都係太天真啦⋯⋯原來係喺馮盈盈嘅Hashtag同麥明詩嘅留言度暗藏玄機！

密碼講緊咩？唔明好過明？！但係高手在民間！有討論區嘅網民就發現咗，如果連埋馮盈盈嘅Hashtag同麥明詩嘅留言睇，原來佢哋兩位一語雙關，引用咗大名鼎鼎嘅經典重口味巴西禁片「Two Girls One Cup」啦⋯⋯ 不過經過Google，各位無咩事都係唔好搵嚟睇啦，要睇都要俾足心理準備⋯⋯

呢個「唔明好過明」嘅Comment更加有幾百個人認同！

對於呢套經典禁片，網民就咁評論嘅⋯⋯

網民意見兩極其實做藝人形象愈鮮明，就自然愈容易有人討厭有人鍾意㗎啦！兩位港姐既然敢以真性情示人，都預咗會聽到負面聲音，不過事實上，網民嘅評論都唔係太一面倒啫～

有網民就覺得佢哋可愛

雖然有人話佢哋刷存在感，不過有網民就話係用可愛刷出嚟嘅存在感，有另一啲人又唔認同喎～有網民就讚佢哋兩個都高學歷，又玩得，所以真係好夾！唔知係咪係因為咁，另一網民仲話佢哋啲口吻愈嚟愈似添！

其實除咗背景相似之外，佢哋最近都真係成日一齊出席活動，又拍吓節目咁，開始Friend底，愈嚟愈似都唔係好出奇嘅～

之前佢哋喺《後生仔傾吓偈》度仲一齊Cosplay美少女戰士添！唔知大家又點睇佢哋嘅愈嚟愈鮮明嘅形象呢？
膠通消息來源：東方新地、連登討論區、馮盈盈IG
馮盈盈麥明詩玩性暗示　巴打：FYY呢type女真係好正唔少朋友都知道，新一輯《美女廚房》好快有得睇，主持換成林盛斌(Bob)、蕭正楠以及張振朗，主持效果如何就未知，不過美女就應該唔會令大家失望！話說日前麥明詩為《美女廚房》拍攝宣傳片，事後上載合照，馮盈盈喺呢個moment又再語出驚人，大玩性暗示！睇完就唔係好明啦，大家覺得呢？
麥明詩：「美女廚房，一定好爽」早前一眾靚女包括麥明詩、陳凱琳、高海寧為新一輯《美女廚房》拍攝宣傳片，事後麥明詩喺社交網分享一張與陳凱琳、蔡思貝的合照，見到三人分別拎住茄子、雜莓以及菠蘿，笑到鬼咁甜，真係好期待佢哋喺節目展露廚藝！學麥明詩句留言話齋，「美女廚房，一定好爽」