BB仔被木門夾住大脾反應係...　網民爆笑：呢啲咪影帝級囉！

:0:0

有網民認為BB成日喊只是為咗吸引注意，唔少作為爸爸媽媽的網民亦分享自己屋企個BB仔BB囡係用乜嘢招數去吸引佢地的注意。最近有個網站流傳一條影片，畫面中的BB仔演技收放自如，自編自導自演之餘，過程仲相當流利，片段一出，就被網民評為未來「影帝級」人馬。
閱讀全文
話說有網站流傳一條影片，片中一名仍然著住尿片的BB仔，疑似貪玩而被木門夾住。

個BB仔當堂喊咗出黎，個身仲抽搐咗兩下。之不過，當道木門被媽媽拉開之後，奇怪的事情就發生！

個BB仔唔單止立刻停止哭叫，下一秒竟然又將道門拉返埋，將自己隻腳放入門後面，再拉埋去夾住自己。

最搞笑係，個BB仔隨即進入狀態，大哭呼叫。令網民都忍唔住讚嘆：呢個簡直係「影帝」級演技，絕對係未來的明日之星！

唔少網民表示「未來的政治明星，也可以踢足球」、「剛出生就知道未來要走什麼路了」。

呢個BB仔一定係打算參加笑笑小電影
Posted by O咀新聞台 on Thursday, 12 July 2018
成日有人話生女多數似老豆，唔通阿囡同爸爸真係特別close？冇計啦！阿媽通常都係扮演奸角，仲成日火山爆發！溫柔嘅爸爸就唔同，阿囡扭計佢又唔鬧，仲會諗住辦法氹佢開心，錫到佢燶！所以阿囡都係黐爸爸多，怪難成日都話女兒係爸爸嘅「前世情人」啦！近日喺網上就瘋傳呢條影片，片中嘅小女孩發緊脾氣，嘴匾匾，眼濕濕，好似喊完咁，可愛到暈！究竟佢老豆點樣氹返佢呢？
前世情人答案就係一啖sweet到暈嘅珍珠奶茶！呢位阿囡真係太幸福喇，有呢個咁sweet嘅老豆！

阿囡初時個樣唔知係嬲豬，定慘豬！不過當支飲管隊到埋咀果陣，「um~~好味道」！

條氣即時順返晒！

阿囡：「算你知驚…Kekekee」

仲飲唔飲呀？

緊係飲！仲洗問？

「下次識做啦～老豆！」

前世仇人之但係有啲父女係「前世情人」，有啲父女就係「前世仇人」！啲爸爸媽媽最鍾意幫自己嘅仔女影相，仲要咩都影一餐。之不過呢個爸爸就認真搞笑，專門幫個女影埋啲炒車相，雖然囡囡好可愛，但啲相又真係好爆笑。話說台灣有個爸爸帶囡囡去游水，仲幫佢影相。不過呢個爸爸出手真係非同凡響，專影女兒嘅醜照，呢啲相俾網民瘋傳。仲表示：「聽說女兒是爸爸的前世情人，這是真的嗎？」。