車震照肺高層施壓　劉穎鏇飛胡㻗保前途

:0:0

16年港姐三料亞軍劉穎鏇一出道即被派做《學是學非》主持，今年首次拍劇仲有得做台慶重頭劇《兄弟》第三女主角，女拳王角色硬淨有發揮，一出鏡更成為網民熱話！21歲女、靚女有觀眾緣形象又健康，成為無綫重點培育力捧對象絕對係意料中事。不過劇集出街撞正被傳媒影到同羅天宇胞弟、16年港男胡㻗疑似車震，據悉劉穎鏇事後當眾灑淚，除了介意被標籤「車震」一族，實情係報道翌日已經被高層電召回台照肺，為保事業狠斬剛剛萌芽情絲，才是傷上加傷！

撰文：東方新地圖片：新傳媒圖片、《兄弟》截圖
閱讀全文
劉穎鏇飛胡㻗保前途兩年前從美國回流選港姐、留港發展，本來係土生土長 ABC、入行前又有大學相識要好男友，不過事業為重、遙距愛情又難維繫,出道半年後，劉穎鏇即急急公布分手，自爆回復單身。對外表示上段感情結束後年多冇拍拖，不過據悉16年參選香港小姐與同屆參選香港先生的胡㻗已經結識，被公司安排經常同場受訓、出席活動，賽後又齊齊加入訓練班，朝見口晚見面加上年紀相若話題多多，劉穎鏇與胡㻗愈行愈埋,近月更因為胡㻗主動出擊,終於由大班朋友聚會昇華成二人世界。

身為台慶劇女主角之一、又係呢期新聞人物,劉穎鏇上周盛裝出席台慶活動,風騷得嚟，亦不見再受車震新聞影響心情。

同女友慶生一直擁有共同朋友圈,不過劉穎鏇個人社交網從不放與男友合照,反而胡㻗(上排中間)私相簿中不難發現劉穎鏇蹤影,可惜轉為戀人關係僅數月即出事。
16年三料港姐亞軍、樣靚腳長性格亦討好,劉穎鏇當年係大熱,去年首次拍劇亦即被安排演出要角,飾演女拳王劇中不時肉搏晒料,搶盡同劇江嘉敏風頭,同男主角楊明有感情線。

主動分手女友上位期工作多多,所以日前劉穎鏇出席完《兄弟》演員飯敍後即使夜深,胡㻗一樣殷勤驅車到尖沙咀,接埋女友轉場去西貢銀線灣暗處把握機會談心。可惜戀情萌芽僅僅數月,難得夜會卻被傳媒撞正登上頭條,據知情人士透露,二人即日已收 c a l l 要回台見高層:「出事嗰晚佢哋已經打畀經理人報定案,第二日仲被高層召返去照肺,話晒Tiffany(劉穎鏇)依家被力捧,搞呢啲新聞出嚟對形象好大影響,公司都警告佢唔好再行差踏錯,T i f f a n y 都明《兄弟》呢個角色係個好難得機會、出街呢段時間所有新聞都對自己有影響,唔想因為拍拖冇咗機會,所以死死氣認完錯,雖然好唔捨得,都應承咗高層兩個人唔會再繼續落去。」換言之,即係為保事業寧棄愛情!始終得21歲年資又淺,分完手見記者,係會激動啲!

車震新聞登上頭版翌日,劉穎鏇在經理人陪同下回應記者時失控爆喊,據悉在見記者前,劉穎鏇已經先行被高層召見照肺。

為保事業向高層答應斬情絲，劉穎鏇日前現身尖沙咀,手持一杯珍珠奶茶、面容輕鬆,心情極速回復。

約女友洗底唔方便拍拖,惟有電召要好閨密相陪,二人在尖沙咀睇衫、買化妝品,消磨整個下午。

兄弟媾女王被指車震,胞弟胡㻗未出聲,食女上報經驗無數的羅天宇經驗老到幫細佬拆彈:「佢哋一入行就識,細佬喺附近收工順路車埋個女仔,因為第一次被記者衝出嚟影,係驚啲緊張啲啫!」

同母異父胞兄羅天宇

身為胡㻗同母異父兄長,羅天宇入行以來緋聞多多，的確有兄長「風範」, 除咗咀相流出的Coffee、上門飲湯的苟姑娘外，仲有相戀四年近日宣布分手的湯洛雯。劉穎鏇演出賣力感動觀眾在11月21日播出嘅劇集《兄弟》的一集，主要講劉穎鏇代表鷹奇拳館參加由王浩信搞嘅女拳王大賽，劇中一開始劉穎鏇率先同韓國金腰帶得獎者對決。劉穎鏇可以話係由頭帶到落尾咁滯，不過後段雙方都同時打到對方太陽穴倒地。

劉穎鏇由外國回港後首次參加拳賽

由頭打到落尾，拳拳到肉

逼到對手貼邊

啲肌肉都幾勁，睇嚟為呢套劇落咗唔少心思

畀對手一拳打面，見到都覺得痛

最後雙方倒地

Tiffany為咗自己嘅打夢想而企返起身，順利晉級以為咁就完？錯喇，因為Tiffany贏咗呢條賽事後，馬上要同香港另一位晉級對手打。對手實力超卓，打到Tiffany左眼腫晒兼流血！

對手避開晒Tiffany嘅招數

塊面腫晒，陰公豬

對手睇中Tiffany腰部有傷患，所以瘋狂打腰位！

休息時Tiffany向爸爸講出自己喺外國打拳時整親條腰一直醫唔好，但係話自己真係好鍾意打拳，好想贏呢個比賽！

休息完又畀對手瘋狂打腰

Tiffany最終倒地，不過呢個時候佢諗起爸爸對佢嘅鼓勵，最終憑意志力企返起身！

呢一幕睇到好多觀眾都大叫感動

劉穎鏇首次拍劇就要做女拳手，畀人打到拳拳到肉，雖然大家都知係拍劇，但係又有咩方法可以表現到真係畀人打到咁痛呢？原來喺拍攝前劉穎鏇狠狠地出拳打自己條腰，所以進入拍攝期間畀對手打真係覺得好痛。前晚呢一幕真係感動到好多觀眾，仲令更多人知道拳手呢個行業係唔易做㗎！
演出獲網民激讚！

Tiffany仲喺自己IG上PO咗一段自己練拳時嘅片段！
相關文章：《3日2夜》劉穎鏇迷倒觀眾早前一輯《3日2夜》由劉穎鏇(Tiffany) 及江嘉敏帶大家遊歷土耳其伊斯坦堡。節目中大家除了欣賞土耳其的特色景點之外，當然少不了留意兩位女神的互動！Tiffany在鏡頭前可愛真摯不造作，成功攻陷一班觀眾！