一名港媽帶同女兒,日前喺荃灣愉景新城美樂士多,幫襯「啷啷」扭蛋機,廿蚊扭三次,最後用咗約200-300蚊,成部機清晒,都扭唔到女兒想要嘅大啷啷,港媽喺FB出post質疑店方係黑店,引起網民瘋傳,事後店方道歉,表示係員工扣起咗大啷啷嘅號碼紙,疑似將責任「A字膊」推卸落員工度,網民緊係唔收貨啦!今次真係關公都救佢唔到喇!
閱讀全文
港媽喺愉景新城FB留言投訴。
睇返港媽貼出嚟嘅相,紙板掛住嘅就係扭蛋機內可以抽得到嘅啷啷,清楚明示剩返8個大啷啷,其他細啷啷港媽都已經抽中咗。
不過最後部扭蛋機清晒,兩母女都冇抽中大啷啷。
店方出咗道歉聲明,不過推哂落個員工到喎!新一輪關公災難又嚟喇!
網民踢爆店方出道歉聲明前曾私下向事主道歉。
網民全部唔收貨!
有網民話呢種懷舊啷啷成本極低,港媽不如自己去淘寶好過。
一班連登巴絲又點睇?
懷舊士多吖嘛!緊係要將以前呃人嗰套都帶埋返嚟啦!
扭蛋係享受過程,如果中到大獎又真係開心過直接去買嘅。
違反商品說明條例,可以報海關!
成件事最hihi就係屈個員工!
一鋪清袋!關公都救唔到!
呢單嘢可以教育小朋友,呢個世界係有騙子㗎!
膠通消息來源:Facebook、連登
[圖擷取自網路,如有疑問請私訊]