【有片】KOL專做柒事年賺過百萬　拍片瘋狂浪費食物被鬧爆折墮

台灣YouTuber小玉（朱玉宸）拍嘅影片多以瘋狂、無厘頭見稱，獲得大批年青粉絲支持，亦都經常引起爭議。近日小玉出咗新影片，佢將100包即食麵倒晒喺浴缸煮，自己就坐喺入面浸浴，一路浸一路食，呢條片一出就被網友鬧爆：「實在太浪費食物！」
閱讀全文
小玉呢次挑戰喺浴缸煮400人份量嘅即食麵。

佢先將滾水倒滿浴缸，跟住再倒100包即食麵同埋調味料，再自己跳入浴缸浸。

佢一路浸一路好興奮咁講：「真的一圓了我以前超荒唐的夢想欸，說真的滿好玩的耶！」

仲徒手拎起啲麵吃，不過佢坦言好難食！

小玉喺浴缸浸咗冇幾耐，身上就沾滿晒調味料同埋油，身邊嘅拍擋問佢點解要淪落到咁？佢竟然話：「我就淪落到這個樣子，1年可以賺400多萬（台幣），值得！」

不過搵大錢係有代價嘅！浸到周身痕，仲出埋紅疹！

要拋個身出嚟浸，搵錢真係唔容易呀！真係辛苦錢嚟㗎！



睇片
膠通消息來源：NOWnews 今日新聞
相關膠文：女KOL無牌駕駛被斷正　施嗲功：「我咁得意，你捨得拉我咩？」抖音中毒已經遍佈全中國，當中唔少人都做埋啲出位嘢去吸引注意力。今次就有抖音女KOL無視交通規則，無牌駕駛。

廣西湛江交警喺抽查時發現咗一位妙齡女子無牌駕駛。呢位女子據說係大陸中毒「抖音」嘅KOL女主播，被交警斷正嘅時候，KOL竟然想用撒嬌過骨，佢咁講：

「我咁得意，你哋捨得㗎？我都有好多fans㗎，如果冇咗我點算！」

當然交警最終緊係無動於衷，對佢嚴肅批評同教育，並處以行政拘留。

事發當日女KOL喺未考取駕駛執照嘅情況下，擅自駕駛一部黑色私家車。交警表示，該車駛至文參橋路段嗰陣，女KOL懷疑發現交警關卡，慌忙同副駕駛座嘅乘客互換位置，企圖蒙混過關。交警事後知道女KOL無牌駕駛，就帶佢地翻去調查。

肥仔黎知道之後都好好奇到底佢係點樣，一睇就知點解交警會嚴格執法！

呢位稱網名為「廣西小可愛」嘅抖音KOL，本身都係貪快先無牌駕駛，佢最後係交警嘅教導後都明白無證駕駛嘅危險。KOL承認錯誤，並願意承擔相應法律後果，仲表示日後一定嚴格遵守交通規則。

佢嘅P圖技術應該好過駕駛技術⋯⋯啩？

So99y！佢連P圖技術都有待改進。
佢堂眉發生咩事？

肥仔黎開始明白交通警見到佢嘅心情！
人類極限之廣西軟骨功？P到咁⋯⋯你都係鍊返嗲功算啦！

夜媽媽喺路中間玩「一字馬」係咩玩法？
媽呀！我究竟睇咗啲乜？肥仔黎硬L晒⋯⋯拳頭！

膠通消息來源：微博


[圖擷取自網路，如有疑問請私訊]