【生仔要考牌】大懵港媽漏低6歲仔喺飛機　空少：飛咗20年第一次見

早前，有一單媽媽搭飛機，才想起遺下了BB在候機室，最後要原機緊急折返。最近，有一名「大懵港媽」，趕落機遺下了6歲男童在飛機上。空少都不禁表示，「飛咗20年你都係第一個，老老實實，如果佢冇返黎，我地真係會以為佢經濟有困難而漏低個仔喺度。」
 
撰文：TLY | 資料來源：豆腐空少的飛行日記| 圖片：新傳媒資料庫
閱讀全文
大懵港媽遺下6歲仔昨日（9日），在Facebook專業「豆腐空少的飛行日記」分享，每個人都試過遺下物品，不過遺下人就比較少見。事發，乘客落機後，空少檢查機艙時發現一名6歲男童自己一人在飛機上，查問之後，大懵港媽趕落機遺下了兒子。
 
原文如下：當最後一個客落機之後，我地就會做降落後嘅檢查，睇下仲有冇客啦，有冇大頭蝦漏低野咁。
咁多年來執到嘅不外乎
– 電話
– 銀包/護照
– 手信
– 手袋/背囊/行李

有時候就執到啲衫褲鞋襪，胸圍底褲都執過，不過呢班機「執」到嘅都幾估佢唔到！我「執」到個細路，佢老母漏咗個仔啊！係一個6、7歲嘅香港小朋友。
我：「細佬，媽咪去咗邊啊」
細佬：「佢去咗屙尿呀！」
我：「但係成機都得返你一個咋，有冇媽咪電話呀？」
 
正想打電話比佢呀媽之際，前面呀姐就話有個客漏咗野上黎攞返。係呀，嗰個好急尿嘅媽媽返嚟湊返個仔。
老母：「你做咩唔落機呀？」
細佬：「我點知你飛機有廁所唔去，用出面嗰啲喎！」
呀姐：「太太，我飛左廿年有人漏左個仔你都係第一個，我地做人呀媽嘅應該要好好睇住個仔，好彩你個仔醒姐！」
比呀姐教訓完一輪之後，個呀媽頭耷耷拖住個仔走左。老老實實，如果佢冇返嚟，我地真係會以為佢經濟有困難而漏低個仔喺道。
生仔要考牌文章一出，軒然大波，不少網民都分享自己的所見所聞，「我遇過漏底老婆，仲要行到好遠先發現⋯⋯」；

「我都試過飛bkk, 小朋友訓到我地嗌醒佢，成架機得佢一個，呀爸呀媽唔知去左邊」；
「之前做個班機Landing check 見到個手抱bb係位度， 行去通知啊姐之際，前面廁所有個女人係廁所斯斯然行出黎抱返個bb，問清楚確認晒係兩母女之後，啊姐問佢如果個bb 自己跌左落地點算或者俾人抱走左點算，個女人先識驚。」


媽媽遺下BB在候機室 飛到一半要求緊急折返早前，最近沙地阿拉伯航空一架SV832航班飛到一半，機長卻突然聯繫塔台要緊急折返。原來是因為機上有一名大懵媽媽將BB遺下在候機室，嚇得要求馬上折返。
沙地阿拉伯航空根據《海灣新聞》報導指，當時機長問塔台「請問我們可以折返嗎？」，再表示折返原因是因為「一名女乘客將孩子忘在候機室」。塔台人員不敢置信，再度向機長確認，機長表示「我已經告訴你了，一名女乘客忘記了帶她的孩子上機，因此拒絕繼續飛行。」成功說服塔台同意飛機折返。


資料來源：Sunday Kiss


[圖擷取自網路，如有疑問請私訊]