科大O camp

又到咗每年捉緊夏天尾巴嘅時候喇！亦都係每年等食各大學O camp花生嘅時候！繼舊年樹仁大學嘅上莊同學R完食店贊助後甩底，遭全城鬧爆後，今年竟然發生一單幾乎一模一樣嘅事件！今次瀨嘢嘅係科大大學學生會屬會冰川社，早前同學R到一間小店贊助200隻雞翼作為O camp嘅食物，之後甩底遭網民插爆！事件擾攘一陣子之後，學會嘅同學親自去到小店道歉，亦都獲得店主原諒，以為完場㗎喇，點知又爆出新花生！有疑似學會成員喺FB爆seed，反口唔認錯！仲要話：「你贊助我就一定要？」
閱讀全文
科大同學早前到位於西貢嘅小店「髀魔-雞髀第一店」求O camp贊助，店主諗住支持一下「社會未來揀樑」，就贊助200隻雞翼。不過店主話同學去R贊助時態度已經麻麻，一句多謝都冇，仲覺得俾個O camp平台佢宣傳好似益咗佢咁！最後甩底唔去交收，仲block埋店主嘅Whatsapp！

最初有埋計劃書俾店方，都唔算零準備嘅。

不過最尾班學生竟然甩底！可憐嘅200隻雞翼呀！咁就浪費晒喇！仲有小店嘅人力、物力同心意！

事件曝光後，「冰川社」被網民圍插後出咗聲明向店方道歉。

冰川社嘅莊員親自同店主道歉，店主收貨，事件已完場？

點知有疑似莊員喺FB爆seed！口出狂言：「你贊助我就一定要？」

網民繼續鬧爆！不過係鬧晒所有年青人！真係一個累全家！

又一場關公災難？真係一地花生！

其實點解一定要贊助？一齊夾錢唔得？

所謂「人類總要重複同樣的錯誤」，舊年樹仁大學工商管理學系系會就曾經爆出相同事件，最後都係學生道歉，平息事件！關公真的很忙！

膠通消息來源：髀魔-雞髀第一店FB、冰川社FB、網上圖片


[圖擷取自網路，如有疑問請私訊]