【有片】《愛回家》一集撞鬼3次　網民：嚇L到爆粗！

農歷七月鬼門關大開，遊魂野鬼晚晚浮上陽間開party，怕鬼又好、保命又好，理應避之則吉，老人家都勸後生夜晚要早啲返屋企，以免招惹鬼魂，仲有燒街衣、盂蘭盛會等習慣去安撫佢哋，不過近日大台嘅處境劇《愛回家之開心速遞》竟然突破禁忌，大抽鬼神的水！好大的膽子啊！
Cap嚟見我
喺「又到七月十四」呢一集，講到大小姐（林淑敏飾）終於肯俾Mandy（謝芷倫飾）放大假去搬屋喇！咁博士（馬貫東飾）就同Mandy嗱嗱臨喺七月十四當日搬入啱啱裝修好嘅新居，仲邀請埋熊家仝人house warming，一齊開party！

眾人都好好奇博士同Mandy點解會揀正鬼節入伙？博士聽到之後嚇到呆咗，睇嚟佢都好怕鬼喎，好在根叔（劉丹飾）帶埋香燭拜四角，咁佢先安心啲。

成班人入屋之後，就喺客廳見到大小姐送俾Mandy嘅古董梳妝枱，呢個時候，博士收到個電話，叫佢哋喺24小時內千萬唔可以打開個古董梳妝枱嘅抽櫃，唔係嘅話就會後悔一世！博士聽到之後更感駁底！點知熊尚善突然（滕麗名飾演）講鬼故……

第一個鬼故，講述從前有一對夫婦搬到大上海街之後，投到一個古董梳妝鏡，工人聽聞座鏡嘅原物主係死於非命嘅一名舞女，佢哋怨念留喺咗鏡入一面，所以狗狗會無故向鏡狂吠。

不過夫婦相信西洋科學，覺得鏡座冇問題……女主人坐喺鏡前面嘅時間愈來愈長，係咁化妝，由每日幾個鐘，變到一整日，仲搞到男主人好嬲……女主人就解釋好鍾意鏡中嘅自己，有丁點瑕疵都唔可以接受，所以就不停化、不停化……

最後男主人帶埋「道士」上門，先知道原來只係塊鏡嘅水銀被侵蝕，即係氧化咗！所以女主人先會睇唔清楚鏡嘅自己，以為仲未化好妝！「道士」只係五金鋪職員，上門換鏡咋！睇到呢到，觀眾即刻由嚇餐……變到想打爆電視！

第二個鬼故，係講一個家庭成功上樓，成家都好期待幸福嘅日子！不過呢家人搬新居之後，兒子嘅行為變得怪異⋯⋯

 
有一日，兒子用logo砌咗黑色箱出嚟，媽媽問佢係咪嚟，佢竟然答：「棺材。」第二日，佢竟然同媽媽講砌咗個大棺材，可以一家三口一齊瞓，嚇到媽媽⋯⋯

兒子每日都會向空氣講：「伯伯bye bye!」，兩夫婦決定搬屋⋯⋯點知兒子話：「太陽伯伯落左山喇喎，你地要聽日先見到佢啊。」各位期待「撞鬼」嘅觀眾，相信已經講咗粗口！

本身仲好期待會有隻鬼彈出嚟！

估唔到劇情可以膠到咁！

第三個鬼故，講述一名冇醫德嘅醫生，搞到幾名病人失救致死，竟然一點悔意都冇，仲叫死咗嘅病人可以返嚟搵佢，不過要記得掛號喎！

個衰醫生之後去搭


[圖擷取自網路，如有疑問請私訊]