【有片】回味17歲初戀打足一晚茄輪　麥明詩：喺公園打到俾人睥！

馮盈盈同麥明詩兩位港姐冠軍出晒名把口唔收，喺大台節目《#後生仔傾吓偈》中經常有大膽言論，有啲網民讚佢哋坦白率直，但有啲就覺得嘩眾取寵，好似日前佢哋大談中秋節話題，麥明詩回憶那年17歲初戀，話第一次二人過中秋節，全晚喺公園打茄輪，FYY話好正常，但陸浩明（6號）就似乎好驚訝⋯
麥明詩17歲初戀 中秋節打足一晚茄輪Cap嚟見我
當晚節目以中秋節做話題，麥明詩憶述初戀往事：「記得初戀拍拖係七月幾嘅時候，當時17歲幾，咁我哋過嘅第一個比較浪漫嘅節日就係中秋節，當日去咗公園度點蠟燭，但最後成晚都係打茄輪。」

在旁的陸浩明（6號）似乎覺得有啲驚訝，就問：「咁你媽咪知唔知？」反而馮盈盈食住月餅，淡淡然地話：「好正常啫，唔係唔知呀。」

麥明詩笑話：「當晚同屋企人食完飯先出去，我媽咪仲問我使唔使着靚啲，當晚我記得仲錫到好多人睥住我哋，因為嗰度好多人點蠟燭，好光呀！」
睇片
【後生仔傾吓偈】後生仔中秋節有乜搞？


[圖擷取自網路，如有疑問請私訊]