呢個TBB小花成日鬼上身　原來係因為風水唔好…

正所謂有女人嘅地方就有是非，娛樂圈一定有唔少添啦，如果唔係點會成日話邊個女星同邊個女星不和！而最近大台嘅《深宮計》充分咁表示出嚟。后宮佳麗三千，單係尚宮局嘅婢女，女史都已經多到數唔晒，最令人記得嘅都可能係啲當紅花旦～而最近嘅第十三集，飾演丁蘭嘅吳沚默就有好突出嘅表現啦，唔知大家又覺得點呢？

Cap嚟見我
話說嗰集就講到后宮好似有鬧鬼嘅情況出現，搞到尚宮局班婢女、女史都好鬼驚。點知睇真啲，原來係因為吳沚默（丁蘭）為左可以出宮回鄉見養父嘅最後一面，而搞出呢場戲出黎，唔單止一整死宮入面嘅魚，仲自編自導自演咁話風水唔好，仲話鬼上身，搞到人心惶惶～其實女仔為左達到目的，辦法真係層出不窮！

點知最後都俾尚宮局發現自己扮野，情急之下就講述返佢為左親情，見養父最後一面先出此下策，上演左一場悲情戲。
講到悲情戲，最基本起碼係雙眼紅曬，想喊想喊咁，如果流埋眼淚緊係最好啦。而吳沚默唔單止喊曬口咁，仲要眼淚鼻涕一齊流，真係交足戲！

講對白嗰陣，仲要有埋口水泡，口水絲，充分咁表演出非傷嘅情感！雖然吳沚默係《深宮計》嘅戲份唔多，但呢一幕又真係幾好戲～ 唔講唔知，原來拍呢場戲嗰陣，吳沚默係一take過，無NG！聽講係因為佢諗翻自己爺爺過生嗰時，唔係佢身邊，陪唔到最後一程⋯⋯

就連同佢一齊拍對手戲嘅胡定欣、謝雪心、羅霖、康華、張慧儀及張文慈都大讚佢好戲！
唔知大家知唔知，吳沚默唔止第一次扮鬼上身。就好似係《逆緣》扮鬼上身，幫神棍龍羽居士呃神騙鬼。

而今次《深宮計》扮鬼上身為左可以出宮，唔知遲下又扮鬼為嘜呢？

演喊戲演得好又點止呢個小花，再勁嘅班底都不及呢2位童星犀利。飾演童年版元玥嘅黃雪兒 (Nicole)，以及飾演童年版元瑈嘅陳偲穎 (Bianca) ，第一集要數佢地2個最搶鏡。
劇情講述佢地2個分別係，劉心悠 (元玥) 同埋周秀娜 (元瑈) 所飾演角色嘅童年版。故事交代點解呢2姊妹會分離。Nicole同Bianca嘅表現令大家留下深刻印象。

套劇講到Bianca所飾演嘅家姊元瑈為代替Nicole所飾演嘅妹妹元玥，而食咗妹妹嘅肉包。

原本唔知道發生乜事嘅係門前聽到家姊要走，就攔住家姊喊得好淒涼。
佢仲要問家姊去幾耐，1年？2年夠唔夠？呢下嘅真情流露，完全演活咗得幾歲嘅小朋友，好天真咁問幾時會再見到家姊。

網友大讚佢地2個好有感染力，好入戲。
Nicole嘅表現好真實。

最可愛嘅位係妹妹未知家姊會被人送走，同太陽伯伯訴苦，話自己要幾多日唔理家姊嘅位。
佢一句：

原來好人係肚餓嘅時候都會變成壞人。

令人感受到佢嘅天真可愛。就係佢地完美演繹呢場離別戲，令大家留下深刻印象。

不過其實佢地都唔係第一次拍劇，Nicole曾經係《幕後玩家》中飾演黃宗澤同龔嘉欣嘅女兒，而Bianca就係《愛‧回家之開心速遞》飾演過童年版熊尚善 (滕麗明角色)。

肥仔黎都好期待之後佢地嘅表現！


[圖擷取自網路，如有疑問請私訊]