劇透慎入！《深宮計》周秀娜終現身　耍毒招害胡定欣被廢鬱死

唔經唔覺《深宮計》都播左十五集，劇情都慢慢緊湊，雖然網民最想知道劉心悠（元玥）可唔可以搵返姐姐殷瑈，但其實最令人期待嘅一定係周秀娜幾時出現啦！但有唔少人覺得娜姐係劉心悠嘅家姐，所以遲遲未現身～但其實佢係……鄭王妃！而且會同胡定欣（王蓁）爭馬浚偉（李隆基）！最期待嘅畫面要出現啦～

Cap嚟見我
身為主角之一嘅周秀娜將會係第18集出場！仲會同馬浚偉同胡定欣有激烈嘅對手戲！咪話唔期待～

而係劇情中，馬浚偉同胡定欣一直都好鬼sweet～但好景不長，胡定欣雖然有左BB，但意外滑胎，仲搞到永久傷害而不孕。而處處針對佢哋嘅陳煒就乘機安排周秀娜係馬浚偉身邊，破壞胡定欣同馬浚偉嘅感情。（高招， 高招！）所以當周秀娜一出現，就令佢哋嘅關係完全改變！
係現實中，周秀娜都係性感嘅佼佼者，而係戲中，娜姐性感登場，太子見到佢緊係心動啦。正所謂心動不如行動，竟然見到有靚女埋身，仲唔行動！

雖然娜姐要做第三者去破壞人地嘅感情，想得到太子嘅心，娜姐就話要用愛！只要用愛去感動馬浚偉，諗盡辦法接近佢，引佢注意，都係希望佢可以望自己一眼。所以拍拖最緊要係真誠！
咁嘅劇情真係咪話唔期待！其實根據劇情，周秀娜係因為失憶而唔記得左入宮前嘅事，而當馬浚偉登上皇位後，周秀娜會成為鄭貴妃，仲會同胡定欣爭寵！
＇
想知道娜姐最後成唔成功？點樣係胡定欣手上搶走馬浚偉？咁就真係要留意劇情啦~而馬浚偉都有劇透到：「嚟緊我會越嚟越重心計，我同定欣都會遇到好多打擊，感情線越嚟越澎湃，同埋仲有好多人物都仲未出現。」
唔知大家對於第一次古裝戲嘅娜姐，期唔期待呢？
 
有網民綜合史實及劇情推測，周秀娜會插贓嫁禍胡定欣利用符厭之術求子，被馬浚偉揭發，以為胡定欣想效法武則天謀反，馬浚偉不念舊情將已成皇后的胡定欣貶為庶民，後者在3個月後離世！而最後周秀娜的角色亦不得善終！


[圖擷取自網路，如有疑問請私訊]