長髮美女大晒仙氣圖　網民：你咁望住我會頂唔順

女神放仙氣圖大派福利，就緊係多人J㗎啦！早前曾莞婷去花蓮旅行，影咗幾張仙氣圖，睇到一班男網友都頂唔順。
最近曾莞婷同屋企人去花蓮散心，去咗清水斷崖、白楊瀑布等地方。去得呢啲地方就緊係會影唔少靚相㗎啦！最近佢喺社交網站post咗4張靚相，啲相正到連男網友都忍唔住話：「你這樣正面盯著我看受不了！」
Cap嚟見我

曾莞婷着住藍色條紋連身恤衫，露出香肩同鎖骨，加上臉上露出甜美笑容，真係成個仙氣女神。曾莞婷喺IG留言：「千辛萬苦。」似乎用咗唔少力氣先去到呢啲地方。
去旅行就緊係想影多啲靚相，去啲靚風景唔影返啲女神相點得？不過影還影，唔好錯重點好喎！最近台灣有網友post咗一男一女分別喺海前面影嘅相，點知網民嘅焦點唔喺男女主角身上，反而將焦點擺咗喺旁邊着住白裙嘅女人到。

呢個女人着住白色連身裙，條裙子啱啱俾風吹起，咁就露咗條白色底底出嚟，仲要咁啱俾相中男女主角影低，咁正嘅福利唔係唔睇嘛？
唔少網友睇完相紛紛留言：「此生見過最美的海景」、「台灣果然風景怡人」、「白色雲朵太美了」、「她沒發現嗎？」

爆笑相又點止呢一單，之前台灣有男網民帶老婆同3歲女去台中玩，點知囡囡竟然主動話幫阿爸阿媽影相。平時一家大細去旅行都係阿爸阿媽影自己啲細路，咁難得仔女話幫手影相，連腳架都慳返喎，緊係俾佢影到夠啦！點知影完出嚟張相真係估你唔到，「孩子眼裡只有媽媽」。

佢地去到秋紅谷參觀嗰時，乖女主動話要幫阿爸阿媽影相，咁兩公婆咪企喺湖景前面俾囡囡影相。阿爸拎返部手機一睇，竟然見唔到自己嘅頭，淨係影到阿媽，無奈一句「眼裡好像只有媽媽。」
唔少網友見到小妹妹呢張充滿創意嘅作品，都紛紛留言「爸爸可以隨時換人的意思」、「親媽就是不一樣待遇，爸爸是撿來的」、「構圖很好啊」、「如果不說性別，我會以為是兒子拍的」、「女兒只拍重點」。仲有唔少人將重點放咗喺人妻嘅身材到，留言「老婆很辣」。



[圖擷取自網路，如有疑問請私訊]