YoYo陳自瑤現身口窒窒回應離婚　連登神探歸納出3大疑點！

YoYo陳自瑤同王浩信最近傳出離婚，仲話YoYo趕咗王浩信出門口，事隔幾日，YoYo今日出席活動，首次公開回應婚變傳聞，不過眼利嘅網民就睇得出YoYo瘦咗成個碼，塊面都凹晒！YoYo似係有備而來，企定定答咗成10幾分鐘，都仲好淡定，仲不時反問一班記者。
YoYo一黎就話：「首先好多謝咁多人關心先，第一我冇提出過離婚，第二我亦都冇趕我老公出門口，第三我小朋友依然都係同我哋一齊。」雖然YoYo否認離婚，不過事件仲有3大疑點！
Cap嚟見我

1. 事隔咁多日先出黎解畫
被問到點解唔喺社交平台講幾句交代先，要等今日先出黎澄清，YoYo窒咗一下答：「因為知道今日出嚟見大家，想一次過同大家講，唔想再逐個回，其實就呢啲問題回應過好多次。」
2. 3,000萬清水灣層樓真係無寫YoYo名
記者問到王浩信買樓一事，YoYo承認清水灣層樓係寫咗奶奶名，無寫YoYo名，YoYo諗咗一陣就話：「作為子女孝順父母係咪好應該嘅事，係囉。」記者再追問之前王浩信應承寫你名？YoYo就話：「係喇，冇錯，佢係應承我，可能未必係依家，首先我好多謝佢送咁大分禮畀我，我係好開心嘅，另外我相信佢應承得我嘅嘢，佢一定做得到，只不過今次作為子女佢，送畀母親，係好應該好正常嘅事。」

3.  真分居定假分居
傳聞YoYo同王浩信其實已經分居，只不過住「樓上樓下」所以少人知道，YoYo解釋：「冇，係咪住樓上樓下？其實冇呢件事…不過你可以話佢的而且確係有個office，因為佢除咗拍戲，佢有做一啲生意，的而且確搵咗個地方畀佢做office，因為喺屋企好多時唔係咁方便，可能一件咁樣嘅事，令到大家有啲咁樣嘅揣測。」，YoYo承認王浩信的office是在寓所的樓上樓下。
10分鐘足本訪問片

陳自瑤爆婚變後首現身【娛果Live】王浩信「先發制人」　消瘦陳自瑤除婚戒首現身https://bit.ly/2LDvhFp【談夫妻關係　王浩信：關係越嚟越清晰】https://bit.ly/2JyfuXO【趁老婆解畫前　王浩信急留言：太陽終於出返嚟】https://bit.ly/2l0AbRr——————————


[圖擷取自網路，如有疑問請私訊]