![]()
sponsored 日前方力申上電視台節目受訪，又再提及同Stephy一段情，小方話分手前二人都未有提及過結婚，不過Stephy就曾經問過佢「有無諗過將來？」嘩，當女人問得出呢條問題，已經唔系疑問句，系反問句，即系同男方講：「你無諗過我同你嘅將來！」死罪嚟㗎！一直以嚟都唔知 有幾對情侶系死喺呢條罪名之上！小編絕對明白女人如果睇唔到將來，的確難免心灰意冷，不過凡事又唔好太表面，正如小方所講：「我梗系有諗將來啦，我以為好多嘢唔需要講，大家憑感覺。」其實有時男人唔會下下講出口，不過從唔少細微位，你會發現到佢真系有打算同對方一齊行落去架，好似呢啲行為咁：
1. 著緊工作前景好多時女人都會怪另一半掛住返工，有時連放假都要加班，心生怨言，其實正系因為佢希望事業有成，先可以同你有個穩定嘅生活。社會好現實，無錢，又點會有將來？所以努力返工唔應該系罪。sponsored
2. 參加家庭聚會拍拖偶爾見下家長系好正常，不過如果男方連家庭聚會都經常邀請埋你參與，例如家庭旅行等，咁就證明佢真系當你系未來老婆，雖然把口就未講，但系行動證明一切啦。
3. 留意樓盤買樓嘅嘢，如果唔系好識，另一半都唔會點同你研究，所以你以為佢好似乜都唔理咩，其實佢可能不停睇樓市新聞，睇邊度有適合嘅樓，其實佢咁留意，咪又系準備為咗你哋個安樂窩。
4. 著緊你健康俾你自己更緊張你健康，會關心你飲食等，完全就係為咗令你調理好身子，甚至建議你辭工，等佢照顧你之類，完完全全就係為咗想生小朋友鋪路，等一等，求婚應該都唔系好遠喇！sponsored 反之，如果佢無以上行為，咁，你咪不停追問佢「有無諗過將來」咯……
[圖擷取自網路，如有疑問請私訊]
