孝順又專情....唐詠詩你唔要！好多人要呀！.....12條馬明毒男金句！！

馬國明同「絕世好女友」唐詩詠呢對契哥契妹關係曖昧，更有指馬明想將詩詠由契妹變女友，可惜詩詠十分專一，就算男友洪永城曾被指搭上蔡思貝，又被傳與舊愛Bird Tse重燃愛火，一樣打風唔甩！眼見追契妹無望，馬明早前於fb直認鍾意詩詠呢類斯斯文文嘅女仔，又寄語城城要好好珍惜對方，真係戥馬明可憐！其實，點解連咁好女仔嘅詩詠都唔吼馬明呢？原來，從馬明過往講過嘅金句中，睇得出佢百份百係孝順仔一名，但愛情觀就略為悲咗啲，唔會主動追女，十足毒L咁，所以成42歲人，都仲係單身！其他文章： 黎明好事多籮籮 贏在子宮裏 星二代逐個捉 自認毒L金句 對於依然單身，馬明半放棄表示：「我唔係唔談戀愛，而係遇唔到啫，尤其係年紀愈大，愈難遇到，我承認性格係有問題，最慘係唔怕悶，唔介意一個人生活，而且生活圈子又窄，由朝到晚到踎響錄影廠，點會搵到呀？更加識唔到圈外人，都係算數啦！感情事都係隨緣好了。」
問到平時唔拍拖有咩做，馬明說：「我生活冇變過，得閒同朋友踢波，而最鍾意留喺屋企，放假時睇影碟、聽歌、上網，可以幾日足不出戶。」
講到自己有咩優點吸引異性，表示：「我係好o架，又黐家，但個人悶囉！拍拖只會睇戲食飯，我一生人只送過一次花，就是廿歲初戀時，依家冇呢種閒情，女方一定要接受到我冇情趣，先可以一齊。」自認唔追女金句 問到會否主動追心儀女生，馬明自誇唔使：「我從來未試過追女仔，反而係女方感覺到我有愛意，俾番反應我！」對於42歲人依然單身，自認唔怕孤獨終老：「我唔會主動追求愛情，有又合得來就好，冇都唔緊要，我一個人都過得好開心！」
問到有咩女仔最難頂，馬明笑言：「見女仔發脾氣，我就想大巴大巴車過去，唔好話女友，有時同劇女角發脾氣，我都覺得好難頂。」「我冇心情氹女仔，係一個悶的男友，但絕對係一個好老公，我歡迎女仔追我！」自爆愛睇鹹網金句 提到冇fb、微博，完全同世界脫節，馬明笑言：「我係咁悶啦，電腦對我嚟講，只係用嚟上網睇新聞，睇波同埋上鹹網囉！(話自己上鹹網咁揚？)我咁大個人同你講冇上過鹹網，你都唔信啦！」孝順仔金句 提到咁大個人依家仍跟家人同住，馬明說：「我唔係裙腳仔，係撐起頭家，好享受照顧家人，依家都會蹺住阿媽行街。爸爸退咗休，我又唔認為應由家姐養家，所以主要家庭開支都由我負責。」
講到將來結婚，馬明表示一定會跟父母同住：「我阿爸阿媽出名好相處，如果唔可以同仍哋一齊生活，相信會係女方有問題。好話唔好聽，結咗婚都可以離啦，但父母就唔會輕易同子女脫離關係，最可靠一定係家人。」
想在手機閱讀更多娛樂新聞資訊？
下載【GigCasa 激趣網】手機應用Android版 iPhone版


[圖擷取自網路，如有疑問請私訊]