記住!! 如果同男/女朋友去旅行之前，就要有分手準備

:0:0

身邊朋友好多拍拖無耐就去旅行,有相安無事既,亦有分手收場的例子
男方一心諗住開心去旅行,殊不知女方可能有一套marking scheme,為男方各項表現評分
最慘有個朋友去完旅行,過程都無嗌交
但一返香港,女友即刻delete fb同block whatsapp,斷絕來往,連自己衰咩都唔知

我覺得就算男方去旅行前有意識要表現好,無奈係根本唔知女友的marking scheme係點
有時盡左力,女友都覺唔達標,咁就分手,都好無奈

而且咁樣攪到男方旅行好大壓力,同埋一次旅行就判對方死刑,都好絕者

話說上幾個月同女朋友小豆去大阪旅行，啲地鐵站鬼死咁多出口，條街又凍，每晚拎住一大堆戰利品，上錯出口隨時會有畀人擰甩頭嘅危險。所以…返酒店嘅出口係27號，就算要紋身落自己個腦度都要記住佢。「幫手記記吖，27號啊！」「OK！」女朋友用隻手比咗個好肯定嘅OK我。第日我就發現女朋友根本無諗住記… 「幾多號啊？」我特登問佢。「好似26…」女朋友答。「27啊！又話幫手記！」「27～ＯＫ！」第三日：「幾號出口？」「26…」「27啊！妳有冇記嫁！」「噢～」第四日：「幾號？」「2…6？」「妳個腦袋瓜係咪塞死咗，又記錯！」「我無記錯啊。」「27號先啱喎。」「我每日都記住同一個號碼，每日都錯一樣，所以我記啱！」「……」女朋友除咗玩任何遊戲都唔可以輸畀我之外，似乎仲唔容許我話佢錯… 「妳啱啊？咁妳去26啦。」「唔得啊我去27！」「咁妳又話自己啱？」「我知我錯，不過我錯係啱嘅！」「妳啱！即係我錯啦～」「係喇。不過呢我鍾意跟住你～你錯我就跟住你錯～嘻嘻。」女朋友撓到我隻手實一實。女生嘅辯論能力，弱硬兼施，根本無得同女朋友鬥啊鬥啊鬥啊鬥啊鬥啊…

来源：ladies.discuss.com.hk

[圖擷取自網路，如有疑問請私訊]