【年輕一代必睇】分享下，做左司機6年既歷程，

sponsored小弟今年30，做左司機6年，有感而發24歲個年岩岩考到的士牌，即刻辭左份唔夠1皮野既文職工作，轉咗做夜間的士司機。當時嘅我只係揸咗短短兩年嘅機車經驗，並沒有接觸過私家車，就開始咗我渣的士嘅旅程。當然因為有朋友介紹底下，一路去教我點樣去做，我先敢貿貿然入行啦！當年夜間車租係＄300 ,由夜晚五點開始到夜晚12點大慨會賺到＄1000！扣埋＄100汽油的話，大概會賺到＄600。即時話如果我勤勤力力開足30日，就會有＄18,000。呢個數目只係僅供參考！以當時一零年計，無學歷冇技能嘅你搵到＄18,000已經係唔容易！所以我先咁大膽去嘗試。而現實的確可以每個月搵到＄18,000 或更多，所以當時我都渣左接近2年的士！sponsored渣的士算係自僱人士，自顧即係自己顧自己。冇醫療無福利冇雙糧，咩都冇！當你病嘅時候你就會感受到個種刻薄，打理人搵唔到人幫你頂，車租你要照比，更要照顧埋架車既泊位！再加上如果有任何交通意外，按金一萬蚊都係由自己負責！Touchwood講句我都算好好彩冇任何交通意外發生過！但最後都敵不住加租嘅厄運，雖然只係加左＄10租，就令我一個好反感嘅感覺！做的士司機只會比車主不停嘅壓榨，所以當其時我的起心肝去搵一份司機嘅工作。亦都好好彩好快就搵到一份投資銀行CEO嘅司機工作！人工過20,000 ,五天工作，但每天工作15小時，由上午七點到夜晚十點都係我嘅工作時間。有雙糧有大假有醫療！時間好快咁樣過去，轉眼間已經喺度工作左四年。每日嘅工作都係等！直至上年，我坐係車等緊老闆嘅時候，我覺得已經好悶，好沉悶。返工好似等死咁，一直咁等。我卻發現我嘅青春已經浪費左。sponsored今日我已經轉左行，因為我唔想我嘅人生只有揸車！回想以前做司機嘅日子，孤零零咁食午飯，等老闆等到午夜，大部份時間都係坐係車度，面對著交通繁忙的道路，人車爭路，遇到好多自私嘅司機。我已經對駕駛冇曬興趣，每日係馬路果種壓力，令我回想返以前過嘅呢一段日子,係幾甘難過！！我會奉勸年輕人如果有得揀，千祈唔好做司機！


[圖擷取自網路，如有疑問請私訊]