我係一個外賣仔, 專幫條女買M巾，朋友叫我做 M巾男

sponsored 我係一個外賣仔, 專幫條女買M巾，朋友叫我做 M巾男中學時期有一個住得好近嘅女朋友～雖然住得近真係好正，但同時亦有機會出事～ 因為好多時男仔都會變咗做「外賣仔」嘅角色！.「起身未呀BB～」「嗯..岩岩起咗啦～」.其實已經晏就兩點，或者放假嘅日子大家都會休息多啲但女朋友就好似昏迷咗一樣…唔叫醒佢就一定會變做睡公主直到永遠，阿門～.「咁落唔落街食嘢呀？下午茶時間就嚟到啦」「不如..你買上嚟食呀？」.咦！又會咁主動叫我上佢屋企嘅！平時都係要等佢阿爸阿媽唔係屋企我先有機會上，唔通…sponsored 哈，你壞寶寶啦～..曾經，我承認我有亂諗嘢。.「無所謂呀，照舊雞扒米粉凍檸茶？」「今日唔飲凍嘢啦.. 嗰幾日唔太方便」.咩話…！.我首歌都未唱完，女朋友已經加多句.「呃…仲有呢..你介唔介意幫我買巾..咁岩我屋企用曬」巾！？樹根定痴根？！sponsored .「嚇…男人去買..會唔會好怪..？」「嚟啦..我唔舒服唔想落街呀..」女朋友用咗極嗲嘅聲線氹我，無啦無啦，咁我一定會屈服「咁好啦～」就係咁，我就去咗做巾幗梟雄.咁易屈服架咩？好出奇呀！我係咁架啦！ ..當我行到去「女士衛生用品」個貨架，我有啲猶豫….面對又紅又綠又藍又黑，真係夠曬色彩繽紛！日用定夜用，長翼定短翼，我識條鐵咩我就好似個變態佬咁，係啲貨面前不斷咁徘徊.當我正想打俾女朋友嗰陣，遠處見到有個女sales行緊過嚟，仲唔小心同佢眼神交流咗一嚇..sponsored 大獲！唔通佢覺得我變態？！「咪呀..咪呀..你咪過嚟呀..我自己搞掂架啦」.從佢面上嘅表情，我知佢諗緊咩呀架！.「先生，有無嘢幫到你？」「呃..我得架啦..」個姐姐望一望我，再望一望個貨架「買俾女朋友？」.呃！你都幾funny！唔通我自己用呀！於是，我決定叫佢做Funny姐sponsored .「係呀..我打緊俾女朋友問架啦..唔該你」就係咁，聽完女朋友講就照單入貨，仲要買足兩包，因為有折！.或者間舖唔算太大，去到收銀又係Funny姐...「多謝先生你$ XX.X」雖然佢表面上仍然係笑容親切，但我硬係覺得佢有啲嘢！「先生你需唔需要膠袋？」佢一定覺得我會好尷尬！但我偏偏就唔怕！.「唔洗啦」最後，我手攞住兩包巾行出大街，豪邁而不失霸氣！(但其實雙腳行得好快..).sponsored .叮噹～「外賣到～小姐你要嘅M巾套餐」「哈～～唔該你呀，抵錫！」.其實諗諗嚇，呢樣嘢根本唔需要尷尬，因為呢一個行為係證明咗自己真係好錫女朋友(好似係)柏豪BB都唔怕啦！我怕咩！.所以我相信頭先Funny姐嘅眼光，一定係羨慕緊我女朋友，有一個咁好嘅男仔！.無錯，一定係咁！.P.S「食完下午茶仲附送餐巾抹嘴！正！」(我攞包巾係到拋)「好呀！用完俾你抹」.好似老夫老妻嘅生活，其實先係最簡單快樂:)


[圖擷取自網路，如有疑問請私訊]