香港冇剪含丁戲　連詩雅裸住吊

:0:0

連詩雅（ Shiga）喺新戲《野狼與瑪莉》含大鵰燒，又激咀台仔張睿家，個個睇完嘩嘩聲，仲有傳 Shiga因為咁而激嬲百億闊少男友 Anthony添！
不過話口未完，最近再流出兩批「激」相， Shiga被台仔張睿家摸胸，再半裸被吊，台仔鯰魚哥塊面仲貼住 Shiga「玉背」！

雖然一幕激過一幕，不過向來審查嚴謹嘅馬來西亞，就因為尺度問題要刪走含巨鵰一幕，反而港台兩地就唔會刪走任何場口，保證人人睇到足本
Shiga因拍《喜愛夜蒲》系列響朵，次次都要激情肉搏，點知今次仲激，夠曬「 juice」。上月 Shiga已經去咗馬來西亞宣傳新戲，到當地電台訪問時首次談「巨鵰片」，「裡面有啲誇張情節，都幾得意㗎！」

呢幕玉帛相見場口，鯰魚哥塊面仲要貼實 Shiga玉背，一班宅男一定好葡萄。
黑布遮胸
Shiga新戲《野狼與瑪莉》再流出兩批「激」相，其中一幕， Shiga先同戲中男友張睿家咀嘴，男方之後用手摸落 Shiga個胸，算係 Shiga從影以來最大突破！至於另一輯「激相」，話說 Shiga同台灣演員鯰魚哥（林明賜）被張睿家殺死後，兩人要半裸吊喺度烘乾屍體，而鯰魚哥塊面仲全程貼實 Shiga的「玉背」。
不過據知拍攝當日， Shiga都冇刻意要求清場，雖然半裸上陣，前面都只係用黑布遮住胸部，對導演百分百信任。
由於戲中太多激情場面，據知馬來西亞就因電檢尺度問題要剪走「含鵰」一幕，幸好香港（ 6月 25日）和台灣（ 5月 22日）依然可以足本上映。自 FACE Pop爆出預告片後， Shiga成為風頭躉，成功製造話題，收足宣傳效益，就連監製李建興都大讚其表現，「佢嘅工作態度非常好，又好配合，基本上佢完全達到導演要求，呢一樣我覺得非常開心，非常欣慰嘅事！」激嬲百億闊少 Anthony，不過就成功得到監製大讚，咁 Shiga日後都唔憂冇戲接

Shiga首次吊威吔，佢話冇想像中咁驚，因為有工作人員同武指傍住喎！

Shiga飾演在台灣居住嘅「港女」，其中一幕要喺餐廳邊換衫邊解 bra帶，之後仲換埋黑絲，盡現豪放一面！
玩屍重口味
《野狼與瑪莉》其實係改編香港漫畫家鄭健和同名漫畫，作者鄭健和喺開鏡前，仲要求有份演出嘅演員都要熟讀原著漫畫一次；至於戲中大部份場口都會以原著為依據，除咗少部份嘅屍體處理手法，因拍攝問題而要修改，其餘都跟足原著 sell血腥玩烘乾屍，非常重口味！