我信主，但我贊成婚前性行為，有咩問題? 係咁架啦,去老蘭搵食姐

sponsored 朋友A同拍拖4年既男朋友分手，聽完佢既故事都覺得幾感概，導致兩個人分手既第三者原來唔一定係人，亦有機會係神。A信主前同男朋友有正常既性生活，彼此係性格興趣以致生活習慣都好夾，但自從A受洗後，兩個就成日因為信仰問題而鬧交。A堅持基督徒唔可以有婚前性行為，有時情到濃時忍唔住做左，A就會爆喊，覺得自己好污糟，埋怨男朋友引誘自己犯罪，繼而勸對方一齊返教會，希望大家可以係神既教領下，共同戰勝內心既慾念。無奈佢男友係無神論者，佢尊重A既信仰，但唔想改變自己既信念於是選擇分手。A哭訴男友根本唔愛佢，同佢一齊淨係為左sex，覺得自己係佢身上浪費左好多年青春，堅持之後一定要搵基督徒，以後唔會再比自己行差踏錯。情感上我好想安慰A，但理智上我唔認同婚前性行為有罪。sponsored 我相信有造物主，亦曾經決志信基督教。但一直無受洗既其中一個原因，就係我信主，但未能夠盡信聖經。我唔覺得同性戀係罪，更加唔認同「婚前性行為是錯的」呢個論調。聖經禁止婚前性行為，有機會係因為當時未發明保險套，如果按照基督教既理念，墮胎等同殺生，覺得呢樣野係犯罪，我反而可以理解。隨住時代轉變，好多舊有觀念例如奴隸制、一夫多妻制都漸漸被淘汰，我地係咪都應該理性地反思下，聖經定義為有罪既行為，其實係咪都只適用於當時既文化背景呢？sponsored 如果按照神既旨意，婚姻係神聖既，結左婚之後，無論夫妻之間出現任何問題，都應該一齊解決，唔可以選擇離婚既話，咁係咪代表如果我唔好彩，同另一半樣樣都夾，淨係結左婚先發現係性事完全唔夾，我就只可以認命，成世冇高潮唔緊要，只要相信神愛我，係心靈上獲得滿足就夠？贊成婚前性行為，唔代表一定會婚前性濫交。性生活唔係婚姻既全部，但無可否認呢方面夾唔夾，堅會影響夫妻關係。sponsored 我相信大部份基督徒係步入婚姻之前，都會同其他人一樣，先了解對方既性格，興趣，價值觀，甚至可能考慮埋同對方屋企人夾唔夾先結婚。所以我唔理解，點解信左主就會認為性事上夾唔夾，可以等結左婚先慢慢發掘都未遲。定係覺得如果唔夾，最後都可以靠祈禱，搵天父幫手解決呢？我尊重A既信仰自由，亦覺得佢有權選擇自己認為岩同開心既事。但亦好想佢可以尊重前男友既信仰自由，唔好用聖經把尺去衡量其他人既對與錯。兩個人可以因為價值觀唔同而分手，但唔好因為對方最後冇選擇信聖穌，就否定佢四年來對你既愛同付出。如果你愛佢，唔代表你絕對可以愛上佢既父母，咁點解要覺得對方唔愛你心中既天父，就係唔愛你呢？純粹思考題：如果堅持拒絕婚前性行為，兩個人結左婚先發現係性事上完全唔夾，咁點？ d人都on9既sponsored


[圖擷取自網路，如有疑問請私訊]