我係一個公屋仔，同左個女朋友一齊後先知佢係有錢女....

sponsored小弟公屋出身，自幻家境貧困，寒窗苦讀十餘載，成功入讀中大，並結識一個初戀女朋友。我地year1就認識，好快就墜入愛河。一直以來，我地都冇傾過大家屋企背景，因為我地覺得戀愛係兩個人的事。大學呢段時光過得好快，亦係我人生中最快樂的時光。可惜，惡夢準備開始了。大學畢業之後，我好快搵到份工，係間出入口公司做，平均月入萬幾蚊。第一份工黎講，我覺得算唔錯。我女友入左間大公司做，佢話做文職，話都係萬幾蚊咁上下。我信佢，無懷疑。話哂拍拖四年幾，我上星期帶佢返屋企見我老豆老母，佢地覺得好滿意。我女友都好開心。而女方個面，上星期六，我去左佢屋企。。。。。。係半山。。。。。。當我去到佢屋企門口，已經有工人出黎接我地。佢屋企有個鐵閘，仲要係電動，有埋保安員。。。。。。佢屋企大到，我都唔識形容，剩係廁所，都我半間屋企咁大。初初見面，佢呀媽好nice，不過成日半中半英，可能外國住過一排。直到食飯，先見到佢老豆。佢老豆一黎就問我住邊，咩背景，返咩工，有咩親戚咁。一黎已經查我家宅。我全部向佢坦白。但，就係我坦白完之後，佢放低左對筷子，語重心長咁同我講：「傑仔，我知你好愛我個女，我亦好欣賞你咁坦白，不過你同阿怡係兩個世界既人，你地唔會有結果。」我當堂眼濕濕，我女友亦都係。我扮死狗笑下，無回應佢，好專心咁食我碗白飯。食完臨走之前，我女友送我出門口，我同佢都忍唔住喊出來，大家向大家講對唔住。因為我地心入面都知，我地終於係兩個世界的人。sponsored對不起，我愛你。經過沉晚我同女友商量之後，我決定同世伯攤牌。今朝返工之前，我去到女友屋企搵世伯,我同佢講：「世伯！請你俾三年時間我，我咁樣做唔係要話俾人聽我叻！而係要話俾人聽，我鍾意既野我一定可以攞到手！」世伯話欣賞我夠吉士，俾三年時間我，佢會介紹我去佢d朋友度做。三年內要令佢認同我，如果唔係就唔洗再發白日夢。依家係公司，心情仲好激動......sponsored香港公共屋邨（簡稱公屋）是香港公共房屋最常見的類別，由政府或志願團體興建，出租予低收入居民。現時香港提供出租公營房屋的機構有三個，分別是香港房屋委員會（房委會）、香港房屋協會（房協）及香港平民屋宇有限公司。現時香港約有三分之一居民（即逾200萬人）居住於香港各公共屋邨的出租單位，包括房委會72萬個[1] 、房協14萬個[2]、以及在香港平民屋宇有限公司大坑西邨[3]逾1,600個的單位。


[圖擷取自網路，如有疑問請私訊]