![]()
sponsored各位女朋友，老老實實，無論你幾有自信，唔多唔少都一定會擔心男朋友識第二個女仔，因為呢個世界太多引誘。今日同大家介紹返一個可能啱你用嘅方法，杜絕男朋友身邊嘅第三者。首先，你要有男朋友。然後，佢有時會成日唔應你，幾個鍾先復你，然後問佢做緊乜呢，又唔多想講咁。你以為佢收埋另一個，對你唔住，但事實上，佢系對住另一部～遊戲機。如果你男朋友鍾意打機，你99.9999%試過因為佢掛住打機唔理你而發脾氣，話：「你打機得啦，以後唔使再理我。」佢氹完你，以為冇事啦，點知下次佢又遲咗應你，你又忍唔住再嬲過，呢個問題loop極都唔完。但你唔使灰心，令男友沉迷打機，就系令佢專一聽曬你話嘅方法。你要明白，當一個男仔打機，佢系會不能自拔，好似吸毒咁，一得閒就會手癢，萬一果日冇得打，或者要同你去街，就會目光呆滯，心不在焉，不停手震～～sponsored正所謂欲擒先縱，所以，其實果啲咩FIFA、Division、最近手機仲有隻咩遊戲App呀，佢哋系你嘅好戰友！試諗下，你咁愛佢都頂唔順佢打機，啲第三者又點會鍾意一個掛住打機唔理佢嘅男人呢？而你嘅男朋友，又點會容許生命上，有兩個唔俾佢打機嘅女人呢？（計埋媽媽三個）另外，千祈唔好低估你男友為咗打機而會付出嘅心機，當佢一得閒，佢唔會再睇囡囡相，而系睇打機攻略；同班friend一齊嘅時候，唔再系傾邊個女仔身材點點點，而系點先可以喺FIFA升到D1；就連上網都唔會睇咸網，而系睇人哋分享打機心得。即系代表乜？代表佢唔會再花心思追第二個，好宅咁心諗：「追女？咪煩，打舖機好過啦～～」最最最緊要嘅系，當你皇恩浩蕩俾男友打一陣機，好過送十份禮物，佢會感激到以後你想點都得，佢仲可以自豪，好威威咁響班兄弟面前show off：「嚇？乜你哋女朋友唔俾打機架？咁專制架，我女朋友好好架喎，唔會阻我咯，好free！」sponsored呢個時候，你男友已經完全聽曬你話。你唔使再驚佢搵第二個，因為佢覺得你系最好。肯俾男友打機嘅女友，proud of you！PS：但男友們，打還打，女朋友還是要理的！千祈唔好掛住打機忽略佢，死路一條，咪等佢同啲姊妹shopping，瞓咗覺，有嘢做唔得閒理你……
[圖擷取自網路，如有疑問請私訊]
