![]()
sponsored最近TVB新劇《殭》，劇中人物角色名玩食字又低能又趕客，例如羅蘭飾演嘅藍黃紫紅、賴慰玲飾演嘅人類學學生丘玲梅（幽靈媒），或者《皆大歡喜》金年（林文龍）、金月（謝天華）、金日（陳彥行）feel嘅何年（黃又南）、何月（陳嘉寶），而鄭嘉穎演嘅不死人直情叫邢活著（仍活著）。玩食字角色名都系算系TVB某種核心價值，例如《倩女喜相逢》、《老表，你好Hea！》等，而且好多時用食字角色名反映人物身份/職業，好似以下幾套：
![]()
《依家有喜》（2010）
![]()
sponsored秦沛角色：外科醫生葛一刀（割一刀）《老公萬歲》（2010）做得萬歲堂藥廠店員，個名都要系藥名/化學嘢：
![]()
李綺虹：繆靈芝（妙靈芝）郭政鴻：鄺辛訴（抗生素）梁烈唯：孔爵錫（孔雀石綠）王君馨：蘇單虹（蘇丹紅）羅敏莊：盤妮茜（盤尼西林）《天天天晴》（2010）
![]()
sponsored劉丹角色：朱保（珠寶）；龍福珠寶鑲石師傅業務顧問《貓屎媽媽》（2013）
![]()
曾航生角色：遊戲商老闆尤器（遊戲）《愛回家》（2014）
![]()
張繼聰角色：常健新（常健身）；See See Fitness星級瑜伽導師、總健身教練兼老闆、大股東sponsored《醋娘子》（2014）
![]()
梁琤角色：計素（計數）；「一路棧」老闆娘，應該真系要計數《師奶Madam》（2015）
![]()
黃子恆角色：花花公子邢藍（邢Sir；型男）
![]()
sponsored韓馬利角色：賈美蓉（假美容）；曾偷老公羅帛（李成昌）買樓首期去日本整容《鬼同你OT》（2015）
![]()
陳豪角色：總建築設計師米開朗；玩著名文藝復興建築師、藝術家米開朗基羅（Michelangelo）蔣志光角色：艾鐵文（IT Man）；資訊科技網絡保安總顧問《愛情食物鏈》（2015）
![]()
sponsoredC君角色：刑燁源；真系做竇凌食品嘅營業員。
![]()
順手講講《殭》。以上有幾套都系所謂輕鬆趣劇，劇情笑唔出，TVB用角色諧音去當笑位，觀眾都俾你過（甚至覺得好鳩好笑）。但今次《殭》，明明睇預告片、第1集想sell型，就無謂整呢啲搞笑角色名俾人抽秤啦。（雖然第2集開始都露曬底轉曬tone）除非劇組覺得「仍活著」同「葉常綠」、「花蕊紅」一樣咁「有意境」、「有深度」。
![]()
sponsored講型，小編就覺得鄭嘉穎個look似元華。咁似元華又點先？小編又覺得元華幾型。就算覺得似元華唔型，鄭嘉穎真正食糊/好睇其實系做奸仔（《通天幹探》），或者少許油腔滑調又有點佬味嘅角色，例如Law霸或者第2集露曬底嘅夜吾夜老闆，總之唔系Chok峯路線（呢套留返俾陳山蔥）。而號稱低成本製作嘅《我和殭屍有個約會》上咗神檯，明明系金毛嘅尹天照都變型男。
![]()
就算話抄，EU夠系抄，觀眾最終只會在意好唔好睇。而暫時睇咗幾集，都唔計阿Kay對大眼仔、念對白、演技同啲特技，劇情真系偏悶、唔夠力。都唔好話《大時代》秋官掟仔落樓自己唔敢跳、《天地豪情》一開波「撈家」賭錢賭到輸完姚瑩瑩間餐廳著草返香港輸埋郭藹明結婚買樓錢果種級數，《殭》連《潮流教主》一開波蔡思達被欽點做潮流教主接班人呢啲勉強叫有啲震撼位、引人入性位都做唔到。變咗俾人話似旅遊特輯，《衝上雲霄》其實都系咁上下，但人哋有馬欖鍾、吳鎮宇做機師嘛。《殭》個頭開壞咗，唯有睇下之後有無改善，有無機會突破《我和殭屍有個約會》啦。sponsored
[圖擷取自網路，如有疑問請私訊]
