我中出左人地條女之後...仲拆散埋佢同佢條仔

sponsored上年6月，因為轉工，係新公司識左個女仔。佢有個拍左8年拖同居緊既男朋友。我同女同事好夾，大約8月就已經每日講早晨晚安，一齊dinner⋯返工放假都會見面既曖昧關係。但我地無拖手攬錫。直到11月，我地有d爭執，佢衝口而出講愛我，我其實都好愛佢⋯最後我地仲發生左關係⋯開始左地下情。今年2月佢終於同男朋友分手，搬返娘家。最近見佢無約朋友，又唔想返屋企，所以就問佢做咩啦⋯⋯佢話佢父母同朋友都覺得佢選錯，唔值得為左我放棄個拍左拖8年既男朋友。原因:sponsored1. 我人工唔夠佢ex高⋯⋯佢ex係公務員，年薪接近400k⋯我就上市公司低層，年薪250k。女朋友話佢ex大我4年(我28)，可能我4年後都搵到，叫我唔好自卑。2. 我家庭背景無佢ex咁好⋯⋯佢ex住有會所既私樓，4房，佢ex家姐丫哥結婚搬走後，得返父母同佢ex，所以女朋友搬過去都仲住得好鬆動。我就同媽媽2個住3xx呎公屋⋯⋯。女朋友話佢細個都係同父母家姐住公屋，佢無睇我唔起⋯又係叫我唔好自卑⋯仲有⋯⋯例如佢ex有車，我無。佢ex唔洗OT可以成日陪佢，我就成日7,8,9點先放工⋯⋯我好似好努力咁做緊件好錯既事⋯⋯明明佢搵到個幸福既將來，但我就破壞左，要佢陪我捱⋯⋯我知佢ex仲有whatsapp佢，因為想佢回心轉意⋯⋯但女朋友應承我唔會再同佢見面。sponsored我係咪應該放手？女朋友同佢一齊，將來既生活質素一定好好多⋯⋯我愈愛佢對佢好就愈覺得害左佢咁⋯⋯


[圖擷取自網路，如有疑問請私訊]